মুম্বাই, ২৪ ছেপ্টেম্বৰ (হি.স.)। সঞ্জয় লীলা ভাঞ্চালীৰ বহু প্ৰত্যাশিত ছবি ‘লাভ এণ্ড ৱাৰ’ৰ বাবে দৰ্শকৰ প্ৰত্যাশা বাঢ়িছে। ছবিখন মুক্তি পাবলৈ এতিয়াও কিছু সময় বাকী আছে যদিও প্ৰযোজকসকলে ৰণবীৰ কাপুৰৰ প্ৰথমটো আনুষ্ঠানিক আভাস মুকলি কৰি এই হুলস্থুল বৃদ্ধি কৰিছে। ভাঞ্চালী প্ৰডাকচনে ছ’চিয়েল মিডিয়াত ছবিখনৰ প্ৰথমটো পোষ্টাৰ শ্বেয়াৰ কৰিছিল, য’ত ৰণবীৰক বেলেগ আৰু অতি ছিৰিয়াছ লুকত দেখুওৱা হৈছে।
পোষ্টাৰখনত ৰণবীৰক গাড়ী চলোৱা দেখা গৈছে। এখন হাত বেয়াকৈ আঘাতপ্ৰাপ্ত আৰু তেজেৰে লুতুৰি-পুতুৰি হৈ থকাৰ বিপৰীতে খং আৰু উত্তেজনা স্পষ্টকৈ দেখা গৈছে তেওঁৰ মুখত। এই আভাসত অভিনেতাৰ চৰিত্ৰটো যুদ্ধৰ বাবে সাজু হোৱা যেন লাগে। ‘এনিমেল’ৰ পিছত আকৌ এবাৰ এনেকুৱা ৰক্তাক্ত আৰু আক্ৰমণাত্মক অৱতাৰত ৰণবীৰক দেখা যায়। প্ৰযোজকসকলে পোষ্টাৰখনৰ কেপচনত লিখিছে, সেই ষ্টেটাছ, সেই গড, সেই পেচন !
'লাভ এণ্ড ৱাৰ'ত ৰণবীৰ কাপুৰৰ সৈতে আলিয়া ভাট আৰু বিকি কৌশলেও অভিনয় কৰিছে । সঞ্জয় লীলা ভাঞ্চালীৰ পৰিচালিত এই ছবিখন যুদ্ধ আৰু প্ৰেমৰ পটভূমিত নিৰ্মিত একচন-ড্ৰামা । ২০২৭ চনৰ ২১ জানুৱাৰীত বিশ্বৰ চিনেমাগৃহত মুক্তি পাব ছবিখন ।
-----------------
হিন্দুস্থান সমাচাৰ / অৰৱিন্দ
