নতুন দিল্লী, ২৪ ছেপ্টেম্বৰ (হি.স.)। কেন্দ্ৰীয় চৰকাৰে ২৮ ছেপ্টেম্বৰৰ পৰা ৩০ ছেপ্টেম্বৰলৈ ৰাজহুৱা খণ্ডৰ বেংক ধৰ্মঘটৰ প্ৰস্তাৱিত তিনিদিনীয়া ধৰ্মঘটৰ বাবে কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলক ২৫ ছেপ্টেম্বৰত ছেপ্টেম্বৰ মাহৰ দৰমহা আৰু পেঞ্চনৰ ধন মুকলি কৰিবলৈ নিৰ্দেশ দিছে।

বিত্ত মন্ত্ৰালয়ৰ ব্যয় বিভাগে কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলক আগতীয়াকৈ দৰমহা আৰু পেঞ্চন প্ৰদানৰ সন্দৰ্ভত ২৩ ছেপ্টেম্বৰত কাৰ্যালয় স্মাৰকপত্ৰ (ওএম) জাৰি কৰে। বেংক বিষয়া আৰু কৰ্মচাৰীয়ে তিনিদিনীয়া দেশজোৰা ধৰ্মঘটৰ পৰিপ্ৰেক্ষিতত ব্যয় বিভাগে মন্ত্ৰালয় আৰু বিভাগসমূহক নিৰ্ধাৰিত সময়ৰ পূৰ্বে ২৫ ছেপ্টেম্বৰত দৰমহা প্ৰদান কৰিবলৈ নিৰ্দেশ দিছে।

মন্ত্ৰালয়ে উল্লেখ কৰিছে যে তিনিদিনীয়া বেংক ধৰ্মঘটৰ সময়ত বেংকিং লেনদেনত সম্ভাৱ্য বিঘিনি ঘটাৰ পৰিপ্ৰেক্ষিতত চৰকাৰে দৰমহা, মজুৰি, পেঞ্চন প্ৰদানৰ ক্ষেত্ৰত কোনো ধৰণৰ পলম নহ’বলৈ এই সিদ্ধান্ত গ্ৰহণ কৰিছে। ২৮ ছেপ্টেম্বৰৰ পৰা ৩০ ছেপ্টেম্বৰলৈ তিনিদিনীয়া দেশজোৰা বেংক ধৰ্মঘটৰ পৰিপ্ৰেক্ষিতত কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলে ২০২৬ চনৰ ছেপ্টেম্বৰৰ বাবে ২৫ ছেপ্টেম্বৰত তেওঁলোকৰ দৰমহা আৰু পেঞ্চন লাভ কৰিব।

উল্লেখযোগ্য যে ইউনাইটেড ফ’ৰাম অৱ বেংক ইউনিয়নে ২৮ ছেপ্টেম্বৰৰ পৰা ৩০ ছেপ্টেম্বৰলৈ তিনিদিনীয়া ধৰ্মঘটৰ আহ্বান জনাইছে। বেংক ইউনিয়নসমূহৰ মূল দাবী হৈছে পাঁচ দিনীয়া কৰ্ম সপ্তাহ কাৰ্যকৰী কৰা।

হিন্দুস্থান সমাচাৰ / মনোজ কুমাৰ শইকীয়া