নতুন দিল্লী, ১৬ ছেপ্টেম্বৰ (হি.স.)। উপ-ৰাষ্ট্ৰপতি চি.পি. ৰাধাকৃষ্ণনে বৃহস্পতিবাৰে তেলেংগানা ভ্ৰমণ কৰিব । হায়দৰাবাদত অনুষ্ঠিত হায়দৰাবাদ মুক্তি দিৱস উদযাপনত মুখ্য অতিথি হিচাপে অংশগ্ৰহণ কৰিব।

উপ-ৰাষ্ট্ৰপতি সচিবালয়ৰ মতে, হায়দৰাবাদৰ পেৰেড খেলপথাৰত উদযাপন কৰা হ’ব। উপ-ৰাষ্ট্ৰপতিগৰাকীয়ে এই অনুষ্ঠানত মুখ্য অতিথি হিচাপে অংশগ্ৰহণ কৰিব। তেলেংগানাৰ ৰাজ্যপাল শিৱ প্ৰতাপ শুক্লাই এই অনুষ্ঠানত সন্মানীয় অতিথি হিচাপে অংশগ্ৰহণ কৰিব।

উল্লেখযোগ্য যে ১৯৪৮ চনৰ ১৭ ছেপ্টেম্বৰত হায়দৰাবাদ ৰাজ্য ভাৰতীয় সংঘত একত্ৰিত হোৱাৰ স্মৃতিত হায়দৰাবাদ মুক্তি দিৱস পালন কৰা হয়। ১৯৪৮ চনত ভাৰতীয় সেনাই অপাৰেচন প’লো চলাইছিল, যাৰ ফলত হায়দৰাবাদ ৰাজ্য ভাৰতীয় সংঘত একত্ৰিত হৈছিল।

হিন্দুস্থান সমাচাৰ / মনোজ কুমাৰ শইকীয়া