ইটানগৰ,০৭ আগষ্ট(হি.স.)।উত্তৰ পুৰ্বাঞ্চলত বিদ্ৰোহী কাৰ্যকলাপ ৰোধৰ বাবে প্ৰচেষ্টা অব্যাহত থকাৰ মাজতে ৭ আগষ্ট শুকুৰবাৰে অৰুণাচল প্ৰদেশত নিৰাপত্তাৰক্ষীৰ সন্মুখত আত্মসমৰ্পণ কৰে নিষিদ্ধ আলফা(স্বা.)ৰ চাৰিজন সক্ৰিয় কেডাৰে। অৰুণাচল প্ৰদেশৰ লংডিং জিলাৰ আছাম ৰাইফলছৰ শিবিৰত আলফা(স্বা.)ৰ কেডাৰ কেইজনে অস্ত্ৰ-শস্ত্ৰ সহ আত্মসমৰ্পন কৰাৰ কথা নিশ্চিত কৰিছে আছাম ৰাইফলছৰ বিষয়া সকলে।

আত্মসমৰ্পণ কৰা কেডাৰ কেইজনক অজয় অসম, বিপ্লব অসম, মনি অসম, আৰু বলিন অসম বুলি ছদ্মনামেৰে চিনাক্ত কৰা হৈছে। আসাম ৰাইফলচৰ বিষয়াসকলে সংবাদ মাধ্যমক অবগত কৰা অনুসৰি, শুকুৰবাৰে কেডাৰ কেইজনে আছাম ৰাইফলছৰ শিবিৰত আনুষ্ঠানিকভাৱে আত্মসমৰ্পণ কৰে। নিয়ন্ত্ৰিতভাৱে এই পদক্ষেপ গ্ৰহণ কৰা হৈছে, নিৰাপত্তাৰক্ষীয়ে প্ৰাৰম্ভিক পৰীক্ষণ পদ্ধতি নিশ্চিত কৰিছিল

আত্মসমৰ্পণৰ সময়ত নিৰাপত্তা বাহিনীয়ে কেডাৰ কেইজনৰ জিম্মাৰ পৰা অস্ত্ৰ-শস্ত্ৰ আৰু গোলাবাৰুদৰ নিজৰ জিম্মাত লয়। জব্দ কৰা সামগ্ৰী সমূহৰ ভিতৰত আছে ৪টা পিষ্টলৰ লগতে ১৭ জাঁই সজীৱ গুলী।

কৰ্তৃপক্ষই জনোৱা মতে, বৰ্তমানৰ চৰকাৰী নীতি অনুসৰি আত্মসমৰ্পণ কৰা কেডাৰ সকলক পুনৰ সংস্থাপনৰ প্ৰক্ৰিয়া অতি সোনকালে আৰম্ভ হ’ব। এই পদক্ষেপসমূহ মূলসুঁতিৰ সমাজত পুনৰ সংযোগৰ সুবিধাৰ বাবে ৰচনা কৰা হৈছে।

ইফালে, বিষয়াসকলে নিশ্চিত কৰিছে যে জেৰা আৰু পৰীক্ষণৰ পদ্ধতি চলি আছে। অনাগত দিনত আলফা-(স্বা)ৰ ভিতৰত কেডাৰ সকলৰ ভূমিকা আৰু কাৰ্যকলাপৰ সন্দৰ্ভত অধিক বিৱৰণ প্ৰকাশ পোৱাৰ সম্ভাৱনা আছে।

হিন্দুস্থান সমাচাৰ / ৰমেন বৰ্মণ