আছান (দক্ষিণ কোৰিয়া), ০৭ আগষ্ট (হি.স.)। কোৰিয়া মাষ্টাৰছ ২০২৬ত ভাৰতৰ ১৭ বছৰীয়া তাৰকা শ্বাটলাৰ তনভি শৰ্মাৰ আকৰ্ষণীয় অভিযানৰ অন্ত পৰিল কোৱাৰ্টাৰ ফাইনেলত। সৰ্বভাৰতীয় প্ৰতিযোগিতাত ৰক্ষিতা ৰামৰাজে তনভিক ১৮-২১, ২১-১৯, ২১-১৯ ব্য়ৱধানত পৰাস্ত কৰি ছেমি ফাইনেলত প্ৰৱেশ কৰে।

যোৱা সপ্তাহত টাইপেই অ’পেন ছুপাৰ-৩০০ খিতাপ জয় কৰি আটাইতকৈ কম বয়সীয়া চেম্পিয়ন হোৱা তনভিয়ে প্ৰথমখন খেলত জয়লাভ কৰি শক্তিশালী আৰম্ভণি কৰিছিল। অৱশ্যে দ্বিতীয় আৰু তৃতীয় খেলত জয়লাভ কৰি ৰক্ষিতাই শক্তিশালী প্ৰত্যাৱৰ্তন কৰে। এই জয়েৰে ৰক্ষিতাই তনভিৰ বিৰুদ্ধে নিজৰ মুখামুখি অভিলেখ ৪-০লৈ উন্নত কৰে।

পৰাজয়ৰ পিছতো তনভিয়ে পুনৰবাৰ তাৰকাময় প্ৰদৰ্শনেৰে আপ্লুত কৰে। প্ৰতিযোগিতাখনত কেইবাগৰাকীও উচ্চ পদবীৰ খেলুৱৈক পৰাস্ত কৰি কোৱাৰ্টাৰ ফাইনেলত প্ৰৱেশ কৰি চলিত মাহৰ বি ডব্লিউ এফ বিশ্ব চেম্পিয়নশ্বিপৰ পূৰ্বে তেওঁৰ আত্মবিশ্বাস বৃদ্ধি কৰে।

ইয়াৰ পূৰ্বে প্ৰি কোৱাৰ্টাৰ ফাইনেলত সৰ্বভাৰতীয় খেলত শ্ৰিয়ানশী বালিষেট্টীক ২১-১৬, ১৭-২১, ২১-১৩ ব্য়ৱধানত পৰাস্ত কৰে তনভিয়ে।

ৰক্ষিতাই এতিয়া ছেমিফাইনেলত মুখামুখি হ’ব ভাৰতৰ অশ্বিতা চলিহাৰ বিৰুদ্ধে। শীৰ্ষ ছিড হিনা আকেচীক ২০-২২, ২১-১৫, ২১-১৯ ব্য়ৱধানত পৰাস্ত কৰি অশ্বমিতাই অন্তিম চাৰিটাত প্ৰৱেশ কৰে।

পুৰুষৰ ডাবলছত ভাৰতৰ পৃথ্বী কৃষ্ণমূৰ্তি ৰায় আৰু কৃষ্ণ প্ৰসাদ গৰাগাই দক্ষিণ কোৰিয়াৰ কিম ইয়ং-হ্যুক আৰু শ্বিন টাই-য়াঙক ২১-১৮, ২১-১৯ ব্য়ৱধানত পৰাস্ত কৰি কোৱাৰ্টাৰ ফাইনেলত প্ৰৱেশ কৰে।

মহিলাৰ ডাবলছত সোণালী সিং আৰু ঋতিকা থাকাৰক জাপানৰ সপ্তম ছিডৰ যুটি সুমিৰে নাকাডে আৰু মিয়ু তাকাহাছিৰ হাতত ২১-১৫, ২১-৯ ব্য়ৱধানত পৰাস্ত হয়। মিক্সড ডাবলছত দক্ষিণ কোৰিয়াৰ শ্বিন টায়ে-য়াং আৰু কিম ইউ জঙৰ হাতত ২১-১৬, ১৬-২১, ২১-১৩ ব্য়ৱধানত পৰাস্ত হয় ষষ্ঠ ছিড ভাৰতীয় যুটি ঈশান ভাটনগৰ আৰু শ্ৰুতি মিশ্ৰ।

-----------------

হিন্দুস্থান সমাচাৰ / অৰৱিন্দ