ইছলামাবাদ, ০৭ আগষ্ট (হি.স.)। নিৰাপত্তাজনিত কাৰণত পাকিস্তানৰ অশান্ত বেলুচিস্তান প্ৰদেশৰ চুৰাব জিলাত হঠাতে ৬ আগষ্টৰ সন্ধিয়া ৬:০০ বজাৰ পৰা কাৰ্যকৰী হোৱা সান্ধ্য আইন জাৰি কৰা হয় । ৮ আগষ্টৰ পুৱা ৮:০০ বজালৈকে প্ৰযোজ্য থাকিব । সান্ধ্য আইন ঘোষণা কৰাৰ লগে লগে মানুহে দোকান-পোহাৰ আৰু ব্যৱসায়িক প্ৰতিষ্ঠানৰ শ্বাটাৰ বন্ধ কৰি দিয়ে । ইফালে, কৰাচীৰ গুলছান ইকবাল অঞ্চলৰ পৰা পাকিস্তান ৰেঞ্জাৰসকলে কৰাচী বিশ্ববিদ্যালয়ৰ পাঁচজন বেলুচ ছাত্ৰক বলপূৰ্বকভাৱে লৈ যোৱা বুলি অভিযোগ উত্থাপন কৰিছে বেলুচ ষ্টুডেণ্টছ একচন কমিটীয়ে ।
দ্য বেলুচিস্তান পোষ্টৰ মতে, শুকুৰবাৰে পুৱা ৰাজ্যখনৰ মুখ্য কাৰ্যালয় কুৱেটাত পোৱা বাতৰি অনুসৰি চুৰাব জিলা প্ৰশাসনে নাগৰিকসকলক অপ্ৰয়োজনীয়ভাৱে ঘৰৰ পৰা ওলাই নাযাবলৈ সকীয়াই দিছে, সান্ধ্য আইন উলংঘা কৰাসকলৰ ওপৰত গুলীচালনা হ’ব পাৰে বুলি সকীয়াই দিছে। এনে ব্যক্তিসকল যিকোনো সম্ভাৱ্য ক্ষতিৰ বাবে দায়ী হ’ব। চুৰাব মধ্য বেলুচিস্তানৰ কুৱেটা-কাৰাচি ৰাষ্ট্ৰীয় ঘাইপথত অৱস্থিত।
ইয়াৰ পূৰ্বে বেলুচিস্তানৰ কালাট আৰু মাষ্টুঙত জাৰি কৰা হৈছিল সান্ধ্য আইন। ঝেৰী আৰু নুস্কিত কেইবামাহো ধৰি জাৰি কৰা হৈছে কাৰ্ফিউ। মানৱ অধিকাৰ কৰ্মীসকলে কয় যে বেলুচিস্তানত স্বাধীনতাৰ দাবীত বেলুচ গোটসমূহক হাৰাশাস্তি কৰা হৈছে। বেলুচ ষ্টুডেণ্টছ একচন কমিটীৰ এগৰাকী মুখপাত্ৰই কয় যে ফেডাৰেল চৰকাৰৰ লগতে প্ৰাদেশিক চৰকাৰেও নাগৰিক আৰু ছাত্ৰ-ছাত্ৰীক অত্যাচাৰ কৰি আছে। তেওঁ উল্লেখ কৰে যে কৰাচীৰ গুলছান ইকবাল অঞ্চলত বাস কৰা পাঁচজন বেলুচ যুৱকক পাকিস্তান ৰেঞ্জাৰে অপহৰণ কৰিছে।
বেলুচ ছাত্ৰ একচন কমিটীয়ে এই ব্যক্তিসকল কৰাচী বিশ্ববিদ্যালয়ৰ ছাত্ৰ বুলি উল্লেখ কৰিছে। ইয়াৰ ভিতৰত হায়াতৰ দুই পুত্ৰ আজহাৰ আৰু ঘাউছ বখছ, শ্বাহিদৰ পুত্ৰ শ্বাহজাদ, আজিমৰ পুত্ৰ আনীছ আৰু মহম্মদ আমিনৰ পুত্ৰ ৱাছিম বালোচ। বুধবাৰে নিশা প্ৰায় ২ বজাত কৰাচীৰ গুলছান-ই-ইকবাল অঞ্চলৰ এটা ফ্লেটত অভিযান চলাই গ্ৰেপ্তাৰ কৰে দুয়োকে। মাৰপিট কৰি টানি লৈ যোৱা হৈছিল, লগতে তেওঁলোকৰ সামগ্ৰীও। পাঁচোজনেই আছিল ভাড়াতীয়া ।
-----------------
হিন্দুস্থান সমাচাৰ / অৰৱিন্দ
