কাঠমাণ্ডু, ০৭ আগষ্ট (হি.স.)। নেপাল-চীন সীমান্তৰ আটাইতকৈ ব্যস্ত বাণিজ্য বিন্দু সিন্ধুপালচোক জিলাৰ ভোটেকোছি তাটোপানী অঞ্চলত হোৱা ভূমিস্খলনে সশস্ত্ৰ আৰক্ষী বাহিনীৰ সীমান্ত সুৰক্ষা ঘাটিৰ ক্ষতিসাধন কৰে। অৱশ্যে মানৱ ক্ষয়-ক্ষতি হোৱা নাই।
সশস্ত্ৰ আৰক্ষী বাহিনীৰ মতে, বৃহস্পতিবাৰে নিশা প্ৰায় ১:১৫ বজাত বি অ’ পিৰ উত্তৰ-পশ্চিমে অৱস্থিত প্ৰায় ২০০ৰ পৰা ৩০০ মিটাৰ উচ্চতাৰ পাহাৰৰ পৰা এই ভূমিস্খলন সংঘটিত হয়। ভূমিস্খলনৰ লগতে বৃহৎ শিলবোৰ বি অ’ পি চৌহদত অৱতৰণ কৰি তাত থকা বিভিন্ন গঠনৰ ক্ষতিসাধন কৰে।
ভূমিস্খলনে প্ৰথম শাৰীৰ বেৰেকৰ এখন খিৰিকীৰ কাঁচ ভাঙি পেলোৱাৰ বিপৰীতে দ্বিতীয় শাৰীৰ বেৰেকৰ দেৱাল আৰু টিনৰ চাল ফাটি যায়। ইয়াৰ উপৰিও এটা ডিউটি পোষ্ট সম্পূৰ্ণৰূপে ক্ষতিগ্ৰস্ত হোৱাৰ বিপৰীতে আন এটা আংশিকভাৱে ক্ষতিগ্ৰস্ত হৈছে। কমপ্লেক্সটোৰ ৰাষ্ট্ৰীয় পতাকা খুঁটাটোও সম্পূৰ্ণৰূপে ক্ষতিগ্ৰস্ত হয়।
সশস্ত্ৰ আৰক্ষী বাহিনীয়ে জনোৱা মতে, বাথৰুম, ষ্ট’ৰেজ বিল্ডিং, মূল প্ৰৱেশদ্বাৰৰ সন্মুখৰ চিৰিও ক্ষতিগ্ৰস্ত হৈছে। বিষয়াসকলে জনোৱা মতে, এই কাণ্ডত কোনো নিৰাপত্তাৰক্ষী আহত বা নিহত হোৱাৰ খবৰ পোৱা নাই।
-----------------
হিন্দুস্থান সমাচাৰ / অৰৱিন্দ
