তেহৰাণ, ০৭ আগষ্ট (হি.স.)। ইৰাণৰ ওপৰত সম্ভাৱ্য সামৰিক আক্ৰমণ বন্ধ কৰিবলৈ আমেৰিকাৰ ৰাষ্ট্ৰপতি ড’নাল্ড ট্ৰাম্পক হেঁচা প্ৰয়োগ কৰিবলৈ উপসাগৰীয় দেশসমূহক আহ্বান জনাইছে ইৰাণে। ইয়াৰ উপৰিও সকীয়াই দিয়া হৈছে যে যদিহে আমেৰিকাই ইৰাণৰ শক্তি আৰু অন্যান্য গুৰুত্বপূৰ্ণ আন্তঃগাঁথনিক আক্ৰমণ কৰে তেন্তে তেহৰানে উপসাগৰীয় অঞ্চলৰ শক্তি স্থাপন আৰু অন্যান্য কৌশলগত স্থানসমূহক লক্ষ্য কৰি ল’ব।
সংবাদ মাধ্যমৰ বাতৰি অনুসৰি উপসাগৰীয় দেশসমূহৰ সৈতে শেহতীয়াকৈ উচ্চ পৰ্যায়ৰ কূটনৈতিক যোগাযোগৰ সময়ত ইৰাণে এই বাৰ্তা প্ৰেৰণ কৰে। ইৰাণৰ এজন জ্যেষ্ঠ বিষয়াৰ উদ্ধৃতি দি প্ৰতিবেদনত কোৱা হৈছে যে সম্ভাৱ্য প্ৰতিশোধমূলক ব্যৱস্থাৰ ভিতৰত তেল আৰু গেছ স্থাপন, শোধনাগাৰ, বিদ্যুৎ আৰু পানী যোগানৰ নেটৱৰ্ক, পৰিবহণ আন্তঃগাঁথনি আৰু অন্যান্য জটিল আন্তঃগাঁথনি আদি অন্তৰ্ভুক্ত হ’ব পাৰে।
প্ৰতিবেদন অনুসৰি ইৰাণৰ বৈদেশিক মন্ত্ৰী আব্বাছ আৰাঘচিয়ে উপসাগৰীয় দেশসমূহক সামৰিক ব্যৱস্থাৰ পৰিৱৰ্তে আলোচনা আৰু কূটনৈতিক সমাধানৰ পথত আমেৰিকাৰ সৈতে নিজৰ প্ৰভাৱ ব্যৱহাৰ কৰিবলৈ আহ্বান জনাইছে। তেওঁ কয় যে ইৰাণে অঞ্চলটোত বহল সংঘাতৰ পৰা হাত সাৰিব বিচাৰে, কিন্তু আক্ৰমণৰ সন্মুখীন হ’লে প্ৰতিশোধ ল’বলৈ সাজু ।
------------------
হিন্দুস্থান সমাচাৰ / অৰৱিন্দ
