বাক্সা, ০৭ আগষ্ট (হি.স.): পথৰ অত্যন্ত দুৰৱস্থাৰ বাবে মহৰিপাৰাৰ পৰা বাঙালীপাৰালৈ চলাচল কৰা যাত্ৰীবাহী বাছ সেৱা অনিৰ্দিষ্টকাললৈ বন্ধ ৰখাৰ সিদ্ধান্ত গ্ৰহণ কৰা হৈছে । গুৱাহাটী–গোৰেশ্বৰ বাছ মালিক সন্থাই এই সিদ্ধান্ত ঘোষণা কৰিছে ।

পথটোৰ অতি শোচনীয় অৱস্থাৰ বাবে যাত্ৰীৰ সুৰক্ষা নিশ্চিত কৰা সম্ভৱ নোহোৱাৰ ফলতেই এই ব্যৱস্থা লোৱা হৈছে । লগতে সন্থাই অতি শীঘ্ৰে পথটো মেৰামতি কৰি যাতায়াতৰ উপযোগী কৰি তোলাৰ বাবে চৰকাৰলৈ আহ্বান কৰে । পথটো উন্নত হোৱাৰ পাছতেই বাছ সেৱা পুনৰ আৰম্ভ কৰা হ'ব বুলি সন্থাৰ ফালৰ পৰা জানিবলৈ দিয়া হৈছে । এই সিদ্ধান্তৰ ফলত মহৰিপাৰা–বাঙালীপাৰা অঞ্চলৰ বহু যাত্ৰী দৈনন্দিন যাতায়াতত সমস্যাৰ সন্মুখীন হোৱাটো নিশ্চিত হৈ পৰে ।

হিন্দুস্থান সমাচাৰ / কিশোৰ মিশ্ৰ