ইটানগৰ, ০৭ আগষ্ট (হি.স.)। অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে ৰাজ্যখনত চীনা সেনাৰ আগ্ৰাসনৰ বাতৰি খাৰিজ কৰিছে। অৱশ্যে স্থানীয় বাসিন্দা, ভাৰতীয় সেনা, নাহ ৱেলফেয়াৰ ছ’চাইটিৰ সৈতে কথা পাতি এই দাবীসমূহৰ সত্যাসত্য নিৰূপণ কৰিব বুলিও তেওঁ উল্লেখ কৰে।

মুখ্যমন্ত্রী খাণ্ডুৱে সাংবাদিকসকলৰ সৈতে কথা পাতোতে এটা প্ৰশ্নৰ উত্তৰত কৈছিল যে তেওঁলোকে যিকোনো বিবৃতি দিয়াৰ আগতে বাস্তৱ নিয়ন্ত্ৰণ ৰেখা (এলএচিচি)ৰ কাষত চীন সেনাৰ কথিত কাৰ্যকলাপ সম্পৰ্কে অধিক তথ্য সংগ্ৰহ কৰিব। তেওঁ কৈছিল যে আমাৰ নাখিদা যে কোনো অনধিক্ৰমণ হোৱা নাই, কাৰণ ভাৰতীয় সেনাৰ সৈনিকসকল তাতে নিয়ুক্ত আছে।

ভাৰত-চীন সীমান্তৰ টাক্সিঙৰ সমীপত চীনা সেনাৰ কথিত কাৰ্যকলাপৰ ওপৰত নাহ ৱেলফেয়াৰ ছ’চাইটিয়ে উদ্বেগ প্ৰকাশ কৰাৰ পিছতে মুখ্যমন্ত্ৰীৰ এই বক্তব্য প্ৰকাশ কৰে, আৰু এই ঘটনাৰ বাতৰি ছ’চিয়েল মিডিয়াত ভাইৰেল হৈ পৰে। বিগত এমাহৰ ভিতৰত ভাৰতীয় সেনাই এই অঞ্চলত নিয়োগ বৃদ্ধি কৰা আৰু শেহতীয়াকৈ ভাৰতীয় সৈন্যই চীনা জোৱানৰ মুখামুখি হোৱা বুলি দাবী কৰে। যিটো ছ’চিয়েল মিডিয়াতো ভাইৰেল হৈ পৰিছে।

উল্লেখযোগ্য যে যোৱা মাহত অৰুণাচল প্ৰদেশৰ গৃহমন্ত্ৰী এম নাটুঙেও চীনৰ আগ্ৰাসনৰ বাতৰিক উৰাবাতৰি আখ্যা দি খাৰিজ কৰিছিল আৰু এনে বাতৰি প্ৰকাশৰ পূৰ্বে সত্যতা পৰীক্ষা কৰিবলৈ সংবাদ মাধ্যমক আহ্বান জনাইছিল।

হিন্দুস্থান সমাচাৰ / অৰৱিন্দ