জম্মু, ০৭ আগষ্ট (হি.স.)। জম্মু-কাশ্মীৰত শান্তিপূৰ্ণভাৱে আগবাঢ়িছে অমৰনাথ যাত্ৰা। আজি জম্মুৰ পৰা বাল্টাল বেছ কেম্পলৈ ৰাওনা হয় আন এটা তীৰ্থযাত্ৰীৰ দল । ইফালে, কটকটীয়া নিৰাপত্তাৰ অধীনত ৰামবন জিলা হৈ জম্মুলৈ উভতি আহে এদল ভক্ত। আৰক্ষীৰ কণ্ট্ৰল ৰুমৰ তথ্য অনুসৰি, পুৱা ২:৫৯ বজাত ৪২খন বাহনেৰে ভাগৱতী নগৰ যাত্ৰী নিৱাসৰ পৰা বালতাল পথলৈ ৰাওনা হয় ৯২৬ গৰাকী তীৰ্থযাত্ৰীৰ ২৯ নং বেটচ।

এই বেচত ৬৯৩ জন পুৰুষ, ১৭৮ জন মহিলা, ৩৪ জন সাধু, আৰু ২১ জন সাধ্বী আছে। ২১০খন বাছ, তিনিখন মজলীয়া বাহন, ১৭খন সৰু বাহন, আৰু এখন দুচকীয়া বাহনেৰে পৰিবহণ কৰা হয়। গণ্ডাৰবাল জিলাৰ বালটাল বেছ কেম্পলৈ যোৱাৰ পূৰ্বে তীৰ্থযাত্ৰীসকলৰ সুচাৰুৰূপে চলাচল নিশ্চিত কৰিবলৈ যান-বাহন আৰু নিৰাপত্তাৰক্ষী মোতায়েন কৰা হয়। ইফালে পবিত্ৰ গুহাটো পৰিদৰ্শন কৰাৰ পাছত বাল্টাল বেছ কেম্পৰ পৰা জম্মুলৈ ৰাওনা হয় ১৩৩ জনীয়া ২৭ নং তীৰ্থযাত্ৰী। গোটটোত ১১০ জন পুৰুষ, ২১ জন মহিলা আৰু দুটা শিশু আছিল। তিনিখন গধুৰ বাহন, এখন লঘু বাহন, তিনিখন ট্ৰাককে ধৰি ৭খন বাহনত আছিল এইসকল।

এইখন হিন্দু ধৰ্মৰ অন্যতম পবিত্ৰ আৰু উল্লেখযোগ্য তীৰ্থযাত্ৰা। জম্মু-কাশ্মীৰৰ বৰফেৰে আবৃত পাহাৰত অৱস্থিত ভগৱান শিৱৰ (বাবা বৰফানী) গুহা পৰিদৰ্শন কৰিবলৈ প্ৰতি বছৰে অনুষ্ঠিত হয়। ইয়াত প্ৰতি বছৰে এটা প্ৰাকৃতিকভাৱে গঠিত বৰফৰ লিংগ (হিমলিং) গঠন হয়। অনন্তনাগ জিলাত অৱস্থিত অমৰনাথ গুহা সমুদ্ৰপৃষ্ঠৰ পৰা প্ৰায় ৩,৮৮৮ মিটাৰ উচ্চতাত অৱস্থিত।

এইবাৰ ৩ জুলাইৰ পৰা আৰম্ভ হোৱা অমৰনাথ যাত্ৰা ২৮ আগষ্ট (ৰক্ষবন্ধন) পৰ্যন্ত চলিব। অমৰনাথ গুহালৈ যাবলৈ প্ৰধানকৈ দুটা পৰম্পৰাগত পথ আছে। সোণামাৰ্গৰ ওচৰৰ পৰা আৰম্ভ কৰি বালতাল পথটো চুটি কিন্তু ঠেক আৰোহণ। বালতালৰ পৰা প্ৰায় ১৪-১৬ কিলোমিটাৰ দূৰত্বত অমৰনাথ গুহা । ইফালে পেহেলগাম পথক পৰম্পৰাগত আৰু অধিক সুবিধাজনক পথ বুলি গণ্য কৰা হয়। চন্দনৱাৰীৰ পৰা আৰম্ভ হৈ শ্বীশনাগ আৰু পঞ্চতৰণীৰ দৰে সুন্দৰ ঠাইৰে পাৰ হৈ যায়। তীৰ্থযাত্ৰীসকলে এই পথ সম্পূৰ্ণ কৰিবলৈ তিনিৰ পৰা পাঁচ দিন সময় লয় ।

-----------------

হিন্দুস্থান সমাচাৰ / অৰৱিন্দ