নতুন দিল্লী, ০৬ আগষ্ট (হি.স.)। মধ্য প্ৰদেশৰ শিৱপুৰী জিলাৰ উকাৱাল গাঁৱৰ চৰকাৰী প্ৰাথমিক বিদ্যালয়ত চতুৰ্থ শ্ৰেণীৰ দলিত ছাত্ৰৰ বিৰুদ্ধে এগৰাকী শিক্ষকে কৰা প্ৰহাৰ আৰু জাতিবাদী মন্তব্যৰ প্ৰতি ৰাষ্ট্ৰীয় মানৱ অধিকাৰ আয়োগে (এনএইচআৰচি) বিশেষ গুৰুত্ব প্ৰদান কৰিছে। আয়োগে ৰাজ্যৰ মুখ্য সচিব আৰু জিলা আৰক্ষী অধীক্ষকলৈ জাননী জাৰি কৰি দুসপ্তাহৰ ভিতৰত বিশদ প্ৰতিবেদন বিচাৰিছে।

ঘটনা সন্দৰ্ভত প্ৰকাশিত সংবাদ মাধ্যমত প্ৰকাশিত বাতৰি অনুসৰি দলিত ছাত্ৰজনে বটলৰ পৰা পানী খাই থকা দেখি শিক্ষকজনে ক্ষুব্ধ হৈ পৰে আৰু তেওঁক প্ৰহাৰ কৰাৰ লগতে জাতিবাদী মন্তব্যও কৰে। ছাত্ৰজনে পিতৃ-মাতৃক এই বিষয়ে অৱগত কৰে, তাৰ পিছতে বিষয়টো আৰক্ষীক অৱগত কৰা হয়।

আয়োগে নিৰ্দেশ দিছে যে প্ৰতিবেদনত ভুক্তভোগীক প্ৰদান কৰা আইনী সকাহৰ সবিশেষও সন্নিবিষ্ট কৰা হ’ব ।

-----------

হিন্দুস্থান সমাচাৰ / অৰৱিন্দ