লণ্ডন, ০৬ আগষ্ট (হি.স.)। জম্মু-কাশ্মীৰৰ পৰা ৩৭০ অনুচ্ছেদ বাতিলৰ বৰ্ষপূৰ্তি উপলক্ষে লণ্ডনত থকা ভাৰতীয় দূতাবাসৰ সন্মুখত এক প্ৰতিবাদী কাৰ্যসূচী ৰূপায়ণ কৰা হয়। প্ৰতিবাদকাৰীসকলে এই উপলক্ষে কাশ্মীৰৰ বিষয়টো আওৰাবলৈ নাপাহৰিলে, বাৰ্ষিকীক যুম-ই-ইষ্টেহল কাশ্মীৰ (কাশ্মীৰ শোষণ দিৱস) বুলি অভিহিত কৰে।
তাৎপৰ্যপূৰ্ণ যে ভাৰত চৰকাৰে ২০১৯ চনৰ ৫ আগষ্টত ৰাষ্ট্ৰপতিৰ নিৰ্দেশৰ জৰিয়তে ৩৭০ আৰু ৩৫এ অনুচ্ছেদৰ অধিকাংশ বিধান বাতিল কৰিলে। তেতিয়াৰ পৰা জম্মু-কাশ্মীৰত পূৰ্বতকৈ অধিক শান্তিপূৰ্ণ হৈ পৰিছে।
পাকিস্তানৰ দুনিয়া নিউজ চেনেলৰ এক প্ৰতিবেদন অনুসৰি এই উপলক্ষে প্ৰতিবাদকাৰীয়ে কাশ্মীৰ আৰু পাকিস্তানৰ পতাকা উৰুৱাইছিল। একাংশ প্ৰতিবাদকাৰীয়ে ঘোষণা কৰে যে পাকিস্তানে ভাৰতৰ পৰা কাশ্মীৰ ল’ব। প্ৰতিবাদকাৰীসকলে লণ্ডনত থকা ভাৰতীয় দূতাবাস পাকিস্তান বিৰোধী আৰু কাশ্মীৰ বিৰোধী কাৰ্যকলাপত জড়িত বুলি অভিযোগ উত্থাপন কৰে।
প্ৰতিবাদকাৰীসকলে কাশ্মীৰত মানৱ অধিকাৰ উলংঘাৰ অভিযোগ উত্থাপন কৰি আন্তঃৰাষ্ট্ৰীয় সমাজৰ মনোযোগ দাবী কৰে। এই বিক্ষোভত ব্ৰিটিছ-কাশ্মীৰী আৰু পাকিস্তানী জনগোষ্ঠীৰ সদস্যসকলে অংশগ্ৰহণ কৰে। উল্লেখযোগ্য যে ২০১৯ চনৰ পৰা বছৰি ৫ আগষ্টত পাকিস্তানৰ পৃষ্ঠপোষকতাত এনেধৰণৰ বিক্ষোভ সংঘটিত হৈ আহিছে।
হিন্দুস্থান সমাচাৰ / মনোজ কুমাৰ শইকীয়া
