নতুন দিল্লী, ০৬ আগষ্ট (হি.স.)। কংগ্ৰেছৰ সাধাৰণ সম্পাদক জয়ৰাম ৰমেশে ৰাষ্ট্ৰীয় যোগ্যতা সহ প্ৰৱেশ পৰীক্ষা (নীট-ইউজি) প্ৰশ্নকাকত ফাদিল গোচৰ সন্দৰ্ভত অভিযোগ কৰে যে পৰীক্ষা সংস্কাৰৰ ক্ষেত্ৰত চৰকাৰ গুৰুত্বপূৰ্ণ নহয়। ২০২৪ চনত গঠন হোৱা কে ৰাধাকৃষ্ণন সমিতিৰ পৰামৰ্শ কাৰ্যকৰী কৰাত ব্যৰ্থ হোৱাৰ পিছত নন্দন নিলেকানীৰ অধ্যক্ষতাত গঠন হোৱা নতুন টাস্ক ফ’ৰ্চটো কেৱল চৰকাৰৰ ভাবমূৰ্তি ৰক্ষাৰ প্ৰয়াস বুলিও তেওঁ কয়।

ছ’চিয়েল মিডিয়া প্লেটফৰ্ম এক্সত জয়ৰাম ৰমেশে লিখিছে যে ২০২৪ চনত নীট-ইউজি প্ৰশ্নকাকত ফাদিল হোৱাৰ পিছত কেন্দ্ৰীয় চৰকাৰে কে ৰাধাকৃষ্ণনৰ নেতৃত্বত এখন উচ্চ পৰ্যায়ৰ বিশেষজ্ঞ সমিতি গঠন কৰি পৰীক্ষা ব্যৱস্থাৰ উন্নতিৰ পৰামৰ্শ আগবঢ়াইছিল। পৰৱৰ্তী সময়ত ২০২৬ চনত নীট-ইউজি ৰ আন এক প্ৰশ্নকাকত ফাদিল হোৱাৰ পিছত চৰকাৰে নন্দন নিলেকানীৰ নেতৃত্বত এটা উচ্চ পৰ্যায়ৰ টাস্ক ফ’ৰ্চ গঠন কৰে।

তেওঁ দাবী কৰে যে নীলেকানী টাস্ক ফ’ৰ্চ এটাক দিয়া ৯টা ৰেফাৰেন্স পইণ্টৰ ভিতৰত ৭টা ৰেফাৰেন্স পইণ্ট ইতিমধ্যে ৰাধাকৃষ্ণন কমিটীয়ে সম্পূৰ্ণৰূপে সম্বোধন কৰিছে, বাকী দুটাৰ বিষয়ে আংশিকভাৱেহে বিবেচনা কৰা হৈছে।

তেওঁ অভিযোগ কৰে যে ৰাধাকৃষ্ণন সমিতিৰ ১০১টা পৰামৰ্শৰ ভিতৰত ২৭টাও কেন্দ্রীয় চৰকাৰে এতিয়াও কার্যকৰী কৰিব পৰা নাই৷ ২০২৪ চনৰ পৰা ২০২৬ চনৰ প্ৰশ্নকাকত ফাদিলৰ মাজত দুবছৰ ধৰি ৰাষ্ট্ৰীয় পৰীক্ষণ সংস্থা (এনটিএ)ত এজন পূৰ্ণকালীন সঞ্চালক প্ৰধানকো নিযুক্তি দিয়া হোৱা নাছিল।

ৰমেশে কয় যে ইয়াৰ পৰা স্পষ্টকৈ বুজা যায় যে চৰকাৰে ৰাধাকৃষ্ণন সমিতিৰ প্ৰতিবেদন কাৰ্যকৰী কৰাৰ ৰাজনৈতিক ইচ্ছাশক্তি বা গুৰুত্বও প্ৰদৰ্শন কৰা নাই। নন্দন নিলেকানীৰ অধ্যক্ষতাত গঠন হোৱা নতুন টাস্ক ফ’ৰ্চটো কেৱল প্ৰধানমন্ত্ৰীৰ ভাবমূৰ্তি ৰক্ষাৰ ‘ক্ষতি নিয়ন্ত্ৰণ’ প্ৰচেষ্টাহে।

-----------------

হিন্দুস্থান সমাচাৰ / অৰৱিন্দ