নতুন দিল্লী, ০৫ আগষ্ট (হি.স.)। তেলেংগানাৰ মুখ্যমন্ত্রী এ ৰেৱন্ত ৰেড্ডীয়ে বুধবাৰে কেন্দ্রীয় জল শক্তি মন্ত্রী চি আৰ পাটিলৰ সৈতে বৈঠকত মিলিত হয় ৷ মহাৰাষ্ট্ৰ আৰু তেলেংগানাৰ মাজত টুম্মিডিহেট্টী বেৰেজৰ প্ৰস্তাৱিত উচ্চতাক লৈ দীৰ্ঘদিনীয়া বিবাদ সমাধানৰ বাবে কেন্দ্ৰীয় চৰকাৰৰ হস্তক্ষেপ বিচাৰিছিল। তেওঁ মহাৰাষ্ট্ৰ চৰকাৰক চৰকাৰৰ সৈতে আলোচনা কৰি বেৰেজৰ ১৫০ মিটাৰ উচ্চতাৰ অনুমোদন লাভ কৰিবলৈ আহ্বান জনায়।

সূত্ৰ অনুসৰি এই বৈঠকত তেলেংগানাৰ জলসিঞ্চন মন্ত্ৰী এন উত্তম কুমাৰ ৰেড্ডীৰ লগতে ৰাজ্যৰ কেইবাগৰাকীও সাংসদও উপস্থিত থাকে। বৈঠকৰ সময়ত মুখ্যমন্ত্ৰীয়ে কেন্দ্ৰীয় মন্ত্ৰীক অৱগত কৰে যে তেলেংগানা চৰকাৰে ১৫০ মিটাৰ উচ্চতাত টুম্মিডিহেট্টি বেৰেজ নিৰ্মাণ কৰিব বিচাৰিছে, আনহাতে মহাৰাষ্ট্ৰ চৰকাৰে ১৪৮ মিটাৰ উচ্চতাত সন্মতি দিয়া বুলি জানিব পৰা গৈছে। তেওঁ কয় যে এই পাৰ্থক্যই প্ৰকল্পটোৰ অগ্ৰগতি ৰোধ কৰি ৰাখিছে।

ৰেড্ডীয়ে জল শক্তি মন্ত্ৰীক দুয়োখন ৰাজ্যৰ মাজত সমন্বয় স্থাপন কৰি বিবাদ ক্ষিপ্ৰতাৰে সমাধান কৰিবলৈ অনুৰোধ জনায় যাতে প্ৰকল্পটোৰ কাম আগবাঢ়িব পাৰে। ৰাজ্যখনৰ জলসিঞ্চনৰ প্ৰয়োজনীয়তাৰ বাবে এই প্ৰকল্পটো অতি গুৰুত্বপূৰ্ণ আৰু ইয়াৰ সম্পূৰ্ণতা বাকী থকা অৱস্থাত উন্নয়নমূলক কামত বাধাৰ সৃষ্টি হৈছে বুলিও তেওঁ উল্লেখ কৰে ।

হিন্দুস্থান সমাচাৰ / মনোজ কুমাৰ শইকীয়া