নতুন দিল্লী, ০৫ আগষ্ট (হি.স.)। ৰাখী বন্ধনৰ পূৰ্বে দিল্লীৰ পৰা দেশৰ বিভিন্ন প্ৰান্তলৈ ৰাখী যোগান ধৰাৰ বিশেষ ব্যৱস্থা কৰিছে ডাক বিভাগে । বিভাগটোৱে ২২ আগষ্টলৈকে দিল্লীৰ ৩৪টা ডাঙৰ ডাকঘৰৰ লগতে দিল্লী ৰে’লৱে ষ্টেচন আৰু নতুন দিল্লী ৰে’লৱে ষ্টেচনৰ ট্ৰেনজিট মেইল কাৰ্যালয়ত বিশেষ ৰাখী বুকিং কাউণ্টাৰ স্থাপন কৰিব।

বুধবাৰে যোগাযোগ মন্ত্ৰালয়ে জনোৱা মতে, বিভাগটোৱে গ্ৰাহকসকলক ২৪টা স্পীড পোষ্ট আৰু ৪৮টা স্পীড পোষ্ট সেৱাৰ সৰ্বাধিক ব্যৱহাৰ কৰিবলৈ পৰামৰ্শ দিছে । বিভাগটোৰ মতে এই সেৱাসমূহে নিৰাপদ আৰু সময়মতে ডেলিভাৰী প্ৰদান কৰে । নিৰ্দিষ্ট সময়ৰ ভিতৰত ডেলিভাৰী নহ’লে মানি বেক গেৰাণ্টীও দিয়া হৈছে।

মন্ত্ৰালয়ে উল্লেখ কৰিছে যে দিল্লীৰ ৩৫টা নিৰ্দিষ্ট বুকিং চেণ্টাৰত ২৪ স্পীড পোষ্ট সেৱা উপলব্ধ হ’ব। ইয়াৰ দ্বাৰা দিল্লীৰ পৰা মুম্বাই, কলকাতা, বেংগালুৰু, চেন্নাই, আৰু হায়দৰাবাদকে ধৰি ছখন ডাঙৰ মহানগৰলৈ ডাক দ্ৰুত আৰু সময়মতে প্ৰেৰণ কৰাটো নিশ্চিত হ’ব।

বিশেষ ৰাখী বুকিঙৰ সুবিধা অশোক বিহাৰ, চিভিল লাইনছ, চাণক্যপুৰী, দিল্লী জিপিঅ’, নতুন দিল্লী জিপিঅ’, ইন্দ্ৰপ্ৰস্থ, জনকপুৰী, কৃষ্ণ নগৰ, কেৰল বাগ, কলকাজী, লোধি ৰোড, সৰোজিনী নগৰ, আৰ.কে. পুৰম, ৰমেশ নগৰ, ৰোহিনী, মায়াপুৰী, মালৱিয়া নগৰ, আৰু মেহৰৌলি। দিল্লী ৰেলৱে ষ্টেচন আৰু নতুন দিল্লী ৰেলৱে ষ্টেচনৰ ট্ৰেনজিট মেইল অফিচতো বিশেষ বুকিং কাউণ্টাৰ স্থাপন কৰা হ’ব।

সময়মতে ৰাখী প্ৰেৰণ কৰি এই বিশেষ ব্যৱস্থাৰ সুবিধা ল’বলৈ ডাক বিভাগে আহ্বান জনাইছে, যাতে উৎসৱৰ সময়ত মেইল ডেলিভাৰী সুকলমে হ’ব পাৰে ।

--------------

হিন্দুস্থান সমাচাৰ / অৰৱিন্দ