নতুন দিল্লী, ০৫ আগষ্ট (হি.স.)। শ্ৰীলংকালৈ দিনজোৰা ভ্ৰমণলৈ যোৱা বৈদেশিক সচিব বিক্ৰম মিশ্ৰীয়ে বুধবাৰে ৰাজধানী কলম্বোত শ্ৰীলংকাৰ ৰাষ্ট্ৰপতি অনুৰা কুমাৰ দিছানায়াকেৰ সৈতে সাক্ষাৎ কৰে। দুয়োপক্ষই পাৰস্পৰিক স্বাৰ্থৰ বিষয়সমূহৰ ওপৰত আলোচনা কৰাৰ লগতে ভাৰতৰ সহযোগত শ্ৰীলংকাত গ্ৰহণ কৰা বৃহৎ উন্নয়নমূলক প্ৰকল্পসমূহৰ পৰ্যালোচনা কৰে। লগতে দুয়োখন দেশৰ মাজত ৩৫ কোটি ডলাৰৰ ভাৰতীয় টকা মূল্যৰ (আইএনআৰ) ভিত্তিক ক্ৰেডিট লাইনৰ বাবেও চুক্তিৰ আদান-প্ৰদান হয়।

শ্ৰীলংকাত থকা ভাৰতীয় উচ্চায়ুক্তই ছ’চিয়েল মিডিয়া প্লেটফৰ্ম এক্সত উল্লেখ কৰিছে যে ৰাষ্ট্ৰপতি অনুৰা কুমাৰ দিছানায়কেৰ সৈতে বৈদেশিক সচিব বিক্ৰম মিশ্ৰীৰ বৈঠকত দ্বিপাক্ষিক সহযোগিতা আৰু অধিক শক্তিশালী কৰাৰ লগতে ভাৰতীয় সাহায্যৰে শ্ৰীলংকাত গ্ৰহণ কৰা বৃহৎ উন্নয়নমূলক প্ৰকল্পসমূহৰ অগ্ৰগতিৰ পৰ্যালোচনাৰ ওপৰত গুৰুত্ব আৰোপ কৰা হৈছে।

বৈঠকৰ অন্তত দুয়োপক্ষই ৩৫ কোটি টকা ভিত্তিক ক্ৰেডিট লাইনৰ সৈতে জড়িত চুক্তিৰ আদান-প্ৰদান কৰে। এই ঋণ সাহায্য ঘূৰ্ণীবতাহ দিটৱাহাৰ পিছত ভাৰতে শ্ৰীলংকালৈ আগবঢ়োৱা ৪৫ কোটি মাৰ্কিন ডলাৰৰ পুনৰ্গঠন সাহায্য পেকেজৰ অংশ।

এই ঋণ চুক্তিসমূহ ঘূৰ্ণীবতাহৰ পিছৰ পুনৰ্গঠনৰ প্ৰয়োজনীয়তা, আন্তঃগাঁথনি উন্নয়ন, আৰু অত্যাৱশ্যকীয় সামগ্ৰী ক্ৰয়ৰ বাবে ব্যৱহাৰ কৰা হ’ব।

হিন্দুস্থান সমাচাৰ / মনোজ কুমাৰ শইকীয়া