গোলাঘাট, ০৫ আগষ্ট (হি.স.)। অসমৰ বানপানীক ৰাষ্ট্ৰীয় সমস্যা হিচাপে ঘোষণা কৰাৰ দাবী শ্ৰীমন্ত শঙ্কৰদেৱ সঙ্ঘৰ পদাধিকাৰ ভবেন্দ্ৰনাথ ডেকাৰ ৷ উজনিৰ প্ৰলয়ংকাৰী বানৰ দুৰ্যোগৰ সময়ত মুখ্যমন্ত্ৰী ড০ হিমন্ত বিশ্ব শৰ্মাই সন্মুখত থাকি বান পৰিস্থিতি অধ্যয়ন কৰিছে ৷ তেওঁ দৰে দক্ষ ব্যক্তি বিৰল ৷ তেওঁ নিজে পানীত নামি দুৰ্গতসকলৰ খবৰ লৈছে ৷ সি অতি ভাল কথা ৷ কিন্তু মুখ্যমন্ত্ৰীৰ প্ৰতি পদাধিকাৰ ভবেন্দ্ৰনাথ ডেকাৰ আহ্বান, এই মহা প্ৰলয়ংকাৰী বানৰ পৰিৱেশ অধ্যয়ন কৰিবৰ বাবে দেশৰ প্ৰধানমন্ত্ৰীক এবাৰ অসম ভ্ৰমণলৈ আনিব লাগিছিল ৷
সেই কাম কৰিলে অসমৰ বান পৰিস্থিতি অধ্যয়ন কৰি ৰাষ্ট্ৰীয় সমস্যা হিচাপে ঘোষণা কৰাত কোনো অসুবিধা নহ'ব ৷ বুধবাৰে উজনিৰ নাজিৰাৰ বান দুৰ্গতসকলৰ কাষলৈ যোৱাৰ পথত বোকাখাতত এই মন্তব্য সঙ্ঘৰ পদাধিকাৰ গৰাকীৰ ৷ মানৱ সমাজৰ প্ৰতি প্ৰকৃতি ৰুস্ত হোৱাৰ বাবেই অসমত এনে পৰিস্থিতিৰ উদ্ভৱ হৈছে ৷ ইয়াক নিবাৰন কৰা অসম্ভৱ ৷ প্ৰকৃতিৰ এই তাণ্ডৱৰ পিছত মানৱ সমাজে ধৈৰ্যৰে আগবাঢ়িব লাগিব ৷ এই ক্ষেত্ৰত দুৰ্গতসকলক জাতি, বৰ্ণ, ধৰ্ম, সম্প্ৰদায় পৰিহাৰ কৰি ইজনে সিজনক সহায় কৰিব লাগিব ৷ ইতিমধ্যে উজনিত যোৱা ১৯ জুলাইৰ প্ৰলয়ংকাৰী বানৰ পিছত শ্ৰীমন্ত শঙ্কৰদেৱ সঙ্ঘৰ সেৱা বাহিনীৰ সেৱক-সেৱিকাসকলে নিৰৱচিন্নভাৱে সেৱা আগবঢ়াই আহিছে ৷
তাৰোপৰি সঙ্ঘৰ প্ৰতিখন জিলা শাখাই সাধ্যানুসাৰে বানাক্ৰান্তক সেৱা আগবঢ়াই আহিছে ৷ মূল সঙ্ঘৰ ফালৰ পৰাও দুৰ্গতসকলক সেৱা আগবঢ়াই আহিছে ৷ আজি আমিও নাজিৰাৰ দুৰ্গতসকলৰ কাষলৈ গৈ সাধ্যানুসাৰে সেৱা আৰু সাহাৰ্য আগবঢ়াম বুলি মন্তব্য কৰে পদাধিকাৰগৰাকীয়ে ৷ যোৱা নিশাৰ পৰা হোৱা নেৰানেপেৰা বৰষুণৰ ফলত বূঢ়াপাহাৰত হোৱা ভূমিস্খলনত হোনো হানিবিঘিণি নোহোৱাকৈ পাৰ হৈ অহা বুলি মন্তব্য পদাধিকাৰ ভবেন্দ্ৰনাথ ডেকাৰ ৷
হিন্দুস্থান সমাচাৰ / প্ৰকাশ ডেকা