বিষ্কেক, ৩১ আগষ্ট (হি.স.)। প্ৰধানমন্ত্ৰী নৰেন্দ্ৰ মোদীয়ে সোমবাৰে কিৰ্গিস্তানৰ ৰাজধানী বিষ্কেকত মহাত্মা গান্ধীৰ প্ৰতিমূৰ্তিত মাল্যাৰ্পণ কৰি শ্ৰদ্ধাঞ্জলি জ্ঞাপন কৰে। তেওঁ কয় যে গান্ধীজীৰ চিন্তাধাৰাই আমাৰ মন আৰু হৃদয়ত সদায় এক অনন্য প্ৰভাৱ পেলাব।
ছ’চিয়েল মিডিয়া প্লেটফৰ্ম ‘এক্স’ত বৈঠকৰ ফটো শ্বেয়াৰ কৰি প্ৰধানমন্ত্ৰীয়ে কয় যে তেওঁ ভাৰতৰ সৈতে গভীৰ সম্পৰ্ক থকা এদল লোকক লগ পাইছিল। ইয়াৰ ভিতৰত আছিল বিশিষ্ট ভাৰতীয় প্ৰবাসী, পৰিৱেশবিদ, যোগ সাধক, শিক্ষাবিদ, প্ৰাক্তন ছাত্ৰ আৰু ভাৰতীয় কাৰিকৰী আৰু অৰ্থনৈতিক সহযোগিতা (আই টি ই চি) কাৰ্যসূচীৰ গৱেষক।
ভাৰতৰ সৈতে এই অবিৰত সংযোগত মোদীয়ে আনন্দ প্ৰকাশ কৰে। তেওঁ বিশেষভাৱে উল্লেখ কৰে যে ২০২৬ চনত আহমেদাবাদত অনুষ্ঠিত হোৱা প্ৰথমখন বিশ্ব যোগাসন প্ৰতিযোগিতাত অংশগ্ৰহণ কৰি তাত পদক লাভ কৰা এগৰাকী যোগাভ্যাসীৰ কথা। প্ৰধানমন্ত্ৰীয়ে কয় যে বিশ্বজুৰি যোগৰ প্ৰসাৰৰ বাবে ভাৰতৰ প্ৰচেষ্টাত এনে নিয়োজিততাই উৎসাহজনক।
বৰ্তমান কিৰ্গিস্তানৰ ৰাষ্ট্ৰপতি ছাদিৰ জাপাৰ’ভৰ আমন্ত্ৰণত অনুষ্ঠিত হোৱা ২৬ সংখ্যক চাংহাই সহযোগিতা সংস্থাৰ সন্মিলনত অংশগ্ৰহণৰ বাবে কিৰ্গিস্তান ভ্ৰমণ কৰি আছে মোডী।
প্ৰধানমন্ত্ৰী মোদীয়ে ২০১৫ চনত গান্ধীজীৰ প্ৰতিমূৰ্তি উন্মোচন কৰিছিল।
হিন্দুস্থান সমাচাৰ / মনোজ কুমাৰ শইকীয়া
