কানাড়া ছুপাৰষ্টাৰ যশৰ একচন থ্ৰিলাৰ টক্সিক মুক্তিৰ তৃতীয় দিনটোত বক্স অফিচৰ প্ৰদৰ্শন কিছু লেহেমীয়া হৈছে। ছবিখনে চিনেমাগৃহত শক্তিশালী মুক্তি লাভ কৰিছিল, প্ৰথম দিনাই ১০১.১০ কোটি ₹ৰ বাম্পাৰ উপাৰ্জন কৰিছিল। কিন্তু দ্বিতীয় দিনা উপাৰ্জন ₹৩৭.৬৫ কোটিলৈ হ্ৰাস পায়।
চাকনিল্কৰ মতে, ৰাখীবন্ধন বন্ধৰ দিন সত্ত্বেও তৃতীয় দিনা ছবিখনে প্ৰায় ₹২৬.৬০ কোটি টকা উপাৰ্জন কৰে। ইয়াৰ ফলত প্ৰথম তিনিদিনত ছবিখনৰ মুঠ সংগ্ৰহ প্ৰায় ১৬৫.৩৫ কোটি টকা হৈছে।
টক্সিক-এ আৰম্ভণিৰে পৰাই দৰ্শকৰ পৰা প্ৰচণ্ড উৎসাহ লাভ কৰিছিল যদিও সমালোচকৰ পৰা মিশ্ৰিতৰ পৰা নেতিবাচক সমালোচনা লাভ কৰিছিল। ইয়াৰ পিছতো ছবিখনে হিন্দী চলচ্চিত্ৰৰ বজাৰত শক্তিশালী স্থান অক্ষুণ্ণ ৰাখিছে। প্ৰথম তিনিদিনৰ উপাৰ্জনৰ ভিত্তিত এইবাৰৰ সৰ্বাধিক উপাৰ্জনকাৰী হিন্দী ছবিৰ তালিকাত অষ্টম স্থান দখল কৰিবলৈ সক্ষম হৈছে টক্সিক। ইমতিয়াজ আলীৰ “আই এম কমিং বেক” আৰু শ্বাহিদ কাপুৰৰ “অ’ ৰোমিঅ’”ৰ জীৱনজোৰা সংকলন অতিক্ৰম কৰিছে ছবিখনে। এতিয়া ইয়াৰ দৃষ্টি ককটেল ২ৰ ওপৰত।
গীতু মহনদাসৰ পৰিচালনাত নিৰ্মিত টক্সিক ছবিখনৰ কাহিনীভাগ গেংষ্টাৰ ৰায়া (যাছ)ক কেন্দ্ৰ কৰিয়েই গঢ় লৈ উঠিছে, যিজনক তেওঁৰ ভগ্নী গংগা (নয়ন্তৰা)ৰ দ্বাৰা ডাঙৰ-দীঘল কৰা হৈছে। ৰেবেকা (তাৰা সুতাৰিয়া)ৰ সৈতে ৰায়াৰ সম্পৰ্ক আছে যদিও চাৰ্কাছ শিল্পী নাদিয়া (কিয়াৰা আদৱানী) তেওঁৰ জীৱনত প্ৰৱেশ কৰাৰ লগে লগে কাহিনীটোৱে নতুন মোৰ লয়। ৰায়া আৰু নাদিয়াৰ প্ৰেম কাহিনীৰ লগতে তেওঁলোকৰ পুত্ৰ টিকটক কেন্দ্ৰ কৰি হোৱা পৰিঘটনাও ছবিখনৰ গুৰুত্বপূৰ্ণ উপাদান। ছবিখনত মুখ্য চৰিত্ৰত অভিনয় কৰিছে ৰুক্মিণী বসন্ত আৰু সুদেৱ নাইৰে। টক্সিক য়েছ আৰু কেভিএন প্ৰডাকচনে যৌথভাৱে প্ৰস্তুত কৰে।
হিন্দুস্থান সমাচাৰ / মনোজ কুমাৰ শইকীয়া
