গুৱাহাটী, ২৯ আগষ্ট (হি.স.)। অসমৰ মুখ্যমন্ত্রী ড০ হিমন্ত বিশ্ব শর্মাই ৰাজ্যৰ ৰে’ল সংযোগ সন্দর্ভত এক বৃহৎ ঘোষণা কৰে ৷ শুকুৰবাৰে নিশা এক অনুষ্ঠানৰ সময়ত তেওঁ ঘোষণা কৰে যে গুৱাহাটী-দিল্লী ৰে’ল লাইনক চাৰিলেনলৈ উন্নীত কৰাৰ পৰিকল্পনা কৰা হৈছে। মুখ্যমন্ত্ৰীৰ মতে, ইয়াৰ ফলত অসমৰ লগতে দেশৰ অন্যান্য প্ৰান্তৰ মাজত ৰে’ল যাতায়ত ত্বৰান্বিত হ’ব।
সংবাদ মাধ্যমৰ সৈতে হোৱা এক সাক্ষাৎকাৰত মুখ্যমন্ত্রী শৰ্মাই কয় যে সমগ্ৰ দেশৰ ৭টা ৰে’লপথ চাৰি লেনলৈ ৰূপান্তৰিত কৰাৰ কাম দ্ৰুতগতিত আগবাঢ়িছে৷ শৰাইঘাটত দ্বিতীয়খন ৰে’ল দলং নিৰ্মাণৰ কাম শীঘ্ৰে আৰম্ভ হোৱাৰ সম্ভাৱনা আছে বুলিও তেওঁ অৱগত কৰে।
হিমন্ত বিশ্ব শৰ্মাই কয় যে ৰে’ল লাইন সম্প্ৰসাৰণৰ ফলত অসমৰ লগতে দেশৰ অন্যান্য প্ৰান্তৰ মাজত যাত্ৰীবাহী আৰু মালবাহী ৰে’লৰ চলাচল বৃদ্ধি পাব। ইয়াৰ ফলত ৰাজ্যৰ ৰে’ল সংযোগ শক্তিশালী হ’ব আৰু পৰিবহণ ব্যৱস্থাও উপকৃত হ’ব।
মুখ্যমন্ত্রীৰ মতে, ৰে’ল নেটৱৰ্ক সম্প্ৰসাৰণে ৰাজ্যৰ অৰ্থনৈতিক উন্নয়ন আৰু ব্যৱসায়িক কাৰ্যকলাপতো উত্থান ঘটাব বুলি আশা কৰা হৈছে।
ইফালে, আগন্তুক নগাঁও লোকসভাৰ উপ-নিৰ্বাচনৰ পৰা কংগ্ৰেছ দলক ৰাজনৈতিক ইছ্যু কৰি তোলাৰ অভিযোগ মুখ্যমন্ত্ৰীয়ে। ৰাজ্যৰ কথিত অবৈধ বেদখলকাৰীৰ বিৰুদ্ধে উচ্ছেদ অভিযানক নিৰ্বাচনী বিষয়লৈ পৰিণত কৰাৰ চেষ্টা কংগ্ৰেছ দলে বুলিও মন্তব্য কৰে।
হিমন্ত বিশ্ব শৰ্মাই দাবী কৰে যে কংগ্ৰেছ দলে ইতিমধ্যে নগাঁৱৰ উপ-নিৰ্বাচনৰ ৰাজনৈতিক প্ৰস্তুতি আৰম্ভ কৰিছে।
ধিং অঞ্চলত বাংলাদেশী মূলৰ বুলি ধাৰণা কৰা মিয়া সম্প্ৰদায়ৰ সদস্যসকলক সংৰক্ষণ প্ৰদানৰ কথা গগৈয়ে কৈছে বুলি অভিযোগ কৰি মুখ্যমন্ত্ৰীয়ে কংগ্ৰেছ সাংসদ গৌৰৱ গগৈকো লক্ষ্য কৰি লয়।
হিমন্ত বিশ্ব শৰ্মাই দাবী কৰে যে কংগ্ৰেছ দলে উচ্ছেদ ড্ৰাইভক নিৰ্বাচনী ইছ্যু কৰি ৰাজনৈতিক সুবিধা লাভৰ চেষ্টা চলাইছে। তেওঁ অভিযোগ কৰে যে যি বাৰ্তা প্ৰেৰণ কৰা হৈছে সেয়া হৈছে কংগ্ৰেছ দলক ভোট দি অভিযুক্ত অবৈধ বেদখলকাৰীক উচ্ছেদৰ পৰা ৰক্ষা কৰিবলৈ কোৱা হৈছে ।
মুখ্যমন্ত্রী ড০ হিমন্ত বিশ্ব শর্মাৰ এই অভিযোগ সন্দর্ভত কংগ্রেছ দলৰ তাৎক্ষণিক প্রতিক্রিয়া পোৱা হোৱা নাই ৷
হিন্দুস্থান সমাচাৰ / মনোজ কুমাৰ শইকীয়া
