নতুন দিল্লী, ২৬ আগষ্ট (হি স)। আজি প্ৰধানমন্ত্ৰী নৰেন্দ্ৰ মোদীয়ে ‘এক্স’ বাৰ্তাযোগে মিলাদ-উন-নবী আৰু ওনাম উপলক্ষে দেশবাসীক শুভেচ্ছা জ্ঞাপন কৰে। তেওঁ কামনা কৰে যে দুয়োটা উৎসৱে সমাজত একতা, আনন্দ, দয়া, সমৃদ্ধিৰ মনোভাৱ আৰু অধিক শক্তিশালী কৰিব।

মিলাদ-উন-নবীক শুভেচ্ছা জনাই তেওঁ কয় যে এই অনুষ্ঠানে সকলোৰে মাজত ঐক্য আৰু আনন্দৰ মনোভাৱ বৃদ্ধি কৰিব। তেওঁ কামনা কৰে যে সমাজলৈ দয়া আৰু অৱদানৰ মনোভাৱে সদায় সকলোকে পথ প্ৰদৰ্শন কৰে। তেওঁ লিখিছে, ঈদ মুবাৰক! মিলাদ-উন-নবীৰ শুভেচ্ছা থাকিল।

দেশবাসীক ওনামৰ শুভেচ্ছা জনাই প্ৰধানমন্ত্ৰী মোদীয়ে কয় যে ই কেৱল ভাৰততে নহয়, সমগ্ৰ বিশ্বতে অতি উৎসাহেৰে পালন কৰা এক সজীৱ উৎসৱ। তেওঁ প্ৰাৰ্থনা কৰে যে ওনামে সমাজত সুখ, ঐক্য, সমৃদ্ধিৰ মনোভাৱক আৰু অধিক প্ৰসাৰিত কৰে।

হিন্দুস্থান সমাচাৰ / মনোজ কুমাৰ শইকীয়া