এই ৰূপান্তৰৰ এক উল্লেখযোগ্য মাইলৰ খুঁটি হিচাপে ২৭ আগষ্ট বিমান পৰিবহণৰ ইতিহাসত লিপিবদ্ধ কৰা হৈছে। ১৯৩৯ চনৰ এই তাৰিখতে বিশ্বৰ প্ৰথম জেট চালিত বিমান হাইংকেল হে-১৭৮ জাৰ্মানীত সফলতাৰে উৰণ কৰে। এই ঐতিহাসিক বিমানখনে আধুনিক জেট বিমান পৰিবহণৰ বিকাশৰ এক নতুন অধ্যায়ৰ সূচনা কৰিলে।
জাৰ্মান বিমান নিৰ্মাতা তথা অভিযন্তা আৰ্নষ্ট হাইংকেলৰ নেতৃত্বত নিৰ্মিত এই বিমানখন সেই সময়ৰ প্ৰযুক্তিৰ পৰা এক উল্লেখযোগ্য বিচ্যুতি আছিল। হে-১৭৮ বিমানত টাৰ্বোজেট ইঞ্জিন ব্যৱহাৰ কৰা হৈছিল, যিয়ে ভৱিষ্যতৰ তীব্ৰবেগী যাত্ৰী আৰু সামৰিক বিমানৰ ভেটি স্থাপন কৰাত গুৰুত্বপূৰ্ণ ভূমিকা পালন কৰিছিল।
কিন্তু এই বিমানখন জাৰ্মান বায়ুসেনাত অন্তৰ্ভুক্ত নহ’ল, আৰু সেই সময়ৰ সামৰিক কৰ্তৃপক্ষই ইয়াৰ বিকাশৰ বাবে প্ৰয়োজনীয় সহায় আগবঢ়োৱা নাছিল। ইয়াৰ পিছতো জেট প্ৰযুক্তিৰ ওপৰত গৱেষণা আৰু পৰীক্ষা-নিৰীক্ষা অব্যাহত আছিল। পৰৱৰ্তী বছৰবোৰত এই প্ৰযুক্তিয়ে বিমান পৰিবহণত এক বৈপ্লৱিক পৰিৱৰ্তন আনিছিল আৰু আজি বিশ্বৰ প্ৰায়বোৰ আধুনিক যাত্ৰীবাহী বিমানে জেট ইঞ্জিনৰ শক্তিৰে উৰণ কৰে।
গুৰুত্বপূৰ্ণ পৰিঘটনা
১৬০৪ – আজিৰ দিনটোতে অমৃতসৰৰ সোণালী মন্দিৰত আদি গুৰু গ্ৰন্থ চাহাব প্ৰতিষ্ঠা কৰা হয়।
১৭৮১ – হাইদৰ আলীয়ে ব্ৰিটিছ বাহিনীৰ বিৰুদ্ধে পলিলুৰ যুদ্ধ কৰে।
১৯৩৯ - বিশ্বৰ প্ৰথমখন জেট ইন্ধন চালিত বিমানে জাৰ্মানীৰ পৰা প্ৰথম উৰণ কৰে।
১৮৭০ – ভাৰতৰ প্ৰথম শ্ৰমিক সংগঠন হিচাপে শ্ৰামিক সংঘ প্ৰতিষ্ঠা হয়।
১৯৭৬ – ভাৰতীয় সশস্ত্ৰ বাহিনীৰ প্ৰথম মহিলা জেনেৰেল মেজৰ জেনেৰেল জি আলী ৰামক সামৰিক নাৰ্চিং সেৱাৰ সঞ্চালক হিচাপে নিযুক্তি দিয়া হয়।
১৯৭৯ – আয়াৰলেণ্ডৰ সমীপত এখন নাও বিস্ফোৰণ ঘটে।
১৯৮৫ – নাইজেৰিয়াত সামৰিক অভ্যুত্থানে মেজৰ জেনেৰেল মুহাম্মাদু বুহাৰীৰ চৰকাৰ উৎখাত কৰে আৰু জেনেৰেল ইব্ৰাহিম বাবাংগিদা নতুন সামৰিক শাসক হয়।
১৯৯০ - ৱাশ্বিংটনত থকা ইৰাকৰ দূতাবাসৰ ৫৫ জন কৰ্মচাৰীৰ ভিতৰত ৩৬ জন কৰ্মচাৰীক আমেৰিকাই বহিষ্কাৰ কৰে।
১৯৯১ – মলদোভাই ছোভিয়েট ইউনিয়নৰ পৰা স্বাধীনতা ঘোষণা কৰে।
১৯৯৯ – সোণালী বেনাৰ্জী ভাৰতৰ প্ৰথম মহিলা মেৰিন ইঞ্জিনিয়াৰ হয়।
১৯৯৯ - কাৰ্গিল সংঘাতৰ সময়ত বন্দী হৈ থকা পাকিস্তানী যুদ্ধবন্দীসকলক ভাৰতে মুকলি কৰি দিয়ে।
২০০৩ - ৬০ হাজাৰ বছৰৰ ব্যৱধানৰ অন্তত মংগল গ্ৰহ পৃথিৱীৰ আটাইতকৈ ওচৰলৈ আহিছিল।
২০০৪ - বিত্তমন্ত্ৰী শৌকত আজিজ পাকিস্তানৰ নতুন প্ৰধানমন্ত্ৰী নিৰ্বাচিত হয়।
২০০৮ – উচ্চতম ন্যায়ালয়ৰ অৱসৰপ্ৰাপ্ত ন্যায়াধীশ এ. মাথুৰক সশস্ত্ৰ বাহিনীৰ ন্যায়াধিকৰণৰ প্ৰথম অধ্যক্ষ হিচাপে নিযুক্তি দিয়া হয়।
২০০৮ – ঝাৰখণ্ড মুক্তি মৰ্চাৰ মুৰব্বী শিবু সোৰেনে ঝাৰখণ্ডৰ ষষ্ঠ মুখ্যমন্ত্ৰী হিচাপে শপত গ্ৰহণ কৰে।
২০০৯ – বহুজন সমাজ পাৰ্টিৰ সভানেত্ৰী মায়াৱতী তৃতীয়বাৰৰ বাবে পুনৰ নিৰ্বাচিত হয়।
উত্তৰ প্ৰদেশৰ মুজাফ্ফৰনগৰত দুটা ধৰ্মীয় সম্প্ৰদায়ৰ মাজত দাঙ্গা।
জন্ম
১৮৫৯ – ডোৰাবজী টাটা - দেশৰ এজন মহান উদ্যোগপতি, যিয়ে টাটা ষ্টীলৰ ভেটি স্থাপন কৰে।
১৯০৮ – ছাৰ ডন ব্ৰেডমেন - অষ্ট্ৰেলিয়াৰ ক্ৰিকেটৰ সৰ্বশ্ৰেষ্ঠ বেটছমেন।
১৯৫৭ - এন ভি ৰমন - ভাৰতৰ ৪৮ সংখ্যক মুখ্য ন্যায়াধীশ।
১৯৯৩ - চি এ ভৱানী দেৱী - এগৰাকী ভাৰতীয় মহিলা ফেন্সাৰ।
মৃত্যু
২০০৬ – হৃষিকেশ মুখাৰ্জী - ভাৰতীয় চলচ্চিত্ৰৰ বিখ্যাত প্ৰযোজক আৰু পৰিচালক।
২০১০ - ৰবীন্দ্ৰ কেলকাৰ - কংকনী সাহিত্যৰ অন্যতম শক্তিশালী স্তম্ভ।
১৯৬৩ - ইনায়াতুল্লাহ খান মাছৰিকী - খাক্সাৰ আন্দোলনৰ প্ৰতিষ্ঠাপক আৰু পাকিস্তান সৃষ্টিৰ এক গুৰুত্বপূৰ্ণ ব্যক্তিত্ব।
১৯৭৬ – মুকেশ - ভাৰতীয় প্লেবেক গায়ক।
১৯৭৯ - লৰ্ড মাউণ্টবেটেন - ব্ৰিটিছ ৰাজনীতিবিদ, নৌসেনাৰ মুৰব্বী, আৰু ভাৰতৰ শেষ ভাইচৰয়।
১৯৮২ – আনন্দময়ী মা.
১৯৯৭ - মগন্তী অংকিনীডু - ৩য়, চতুৰ্থ, ৫ম, ৬ষ্ঠ, আৰু সপ্তম লোকসভাৰ সদস্য।
১৯৯৭ - আনন্দ সিং - পঞ্চম, সপ্তম, অষ্টম, আৰু নৱম লোকসভাৰ সদস্য।
১৯৯৭ - পি অংকিনীদু প্ৰসাদ ৰাও - পঞ্চম, ষষ্ঠ, আৰু সপ্তম লোকসভাৰ সদস্য।
গুৰুত্বপূৰ্ণ অনুষ্ঠান
- ৰাষ্ট্ৰীয় নেত্ৰ দান পষেক।
-----------------------
হিন্দুস্থান সমাচাৰ / অৰৱিন্দ
