নিউয়ৰ্ক, ২৫ আগষ্ট (হি.স.)। ব্ৰাজিলৰ যুৱ টেনিছ খেলুৱৈ জোয়াও ফনচেকা পেটৰ আঘাতৰ বাবে ২০২৬ চনৰ ইউ এছ অ’পেনৰ পৰা বাহিৰ হৈছে। বিশ্বৰ ২৬ নম্বৰ স্থানত থকা খেলুৱৈগৰাকীয়ে সোমবাৰে ছ’চিয়েল মিডিয়াত এক পোষ্টযোগে এই কথা ঘোষণা কৰে ।

এই বছৰ তাৰকাময় প্ৰদৰ্শনৰ পিছত ইউ এছ অ’পেনৰ খিতাপৰ প্ৰতিদ্বন্দ্বীসকলৰ ভিতৰত আছিল ২০ বছৰীয়া ফনচেকা। ফ্ৰেন্স অ’পেনত তেওঁ এক তাৰকাময় প্ৰদৰ্শন আগবঢ়াই কোৱাৰ্টাৰ ফাইনেলত প্ৰৱেশ কৰে, য’ত তেওঁ বিশ্বৰ প্ৰাক্তন এক নম্বৰ স্থানৰ ন’ভাক জ’কভিচকো পৰাস্ত কৰে।

ফনচেকাই কয় যে পেটৰ আঘাতৰ মূল্যায়ন আৰু চিকিৎসাৰ পিছত তেওঁ আৰু তেওঁৰ দলটোৱে অনুভৱ কৰিছিল যে তেওঁক সম্পূৰ্ণৰূপে সুস্থ হ’বলৈ অধিক সময়ৰ প্ৰয়োজন। তেওঁ কয় যে ইউ এছ অ’পেন তেওঁৰ বাবে অতি বিশেষ প্ৰতিযোগিতা, আৰু প্ৰত্যাহাৰৰ সিদ্ধান্তও সহজ নাছিল।

ফনচেকাই কয় যে তেওঁ অতি সোনকালে ঘূৰি আহিবলৈ কঠোৰ পৰিশ্ৰম কৰি যাব।

ইউ এছ অ’পেনৰ পৰা আঁতৰি আহিবলগীয়া পুৰুষৰ বিশিষ্ট খেলুৱৈৰ ক্ৰমবৰ্ধমান তালিকাত যোগদান কৰিছে ফনচেকাই। জানিক চিনাৰ, হোলগাৰ ৰুন আৰু জেক ড্ৰেপাৰেও আঘাতৰ বাবে প্ৰতিযোগিতাখনৰ পৰা আঁতৰি আহিছে।

-----------------

হিন্দুস্থান সমাচাৰ / অৰৱিন্দ