ইম্ফল, ২৫ আগষ্ট (হি.স.)। মণিপুৰৰ নিৰাপত্তা বাহিনীয়ে বিগত ২৪ ঘন্টাত পৃথকে পৃথকে অভিযান চলাই কেইবাজনো সন্দেহযুক্ত উগ্ৰপন্থী কেডাৰক গ্ৰেপ্তাৰ কৰাৰ লগতে বৃহৎ পৰিমাণৰ অস্ত্ৰ-শস্ত্ৰ, গোলা-বাৰুদ, যোগাযোগৰ সঁজুলি উদ্ধাৰ কৰে।
বিষয়াসকলৰ মতে, ২৪ আগষ্টত ২৮ নং অসম ৰাইফলছৰ পৰা লাভ কৰা বিশ্বাসযোগ্য চোৰাংচোৱাৰ ভিত্তিত চিডিঅ’/ইম্ফল ইষ্টে খুৰাই থাংজাম লেইকাইৰ পৰা ছ’ৰেপাৰ দুজন সক্ৰিয় সদস্যক গ্ৰেপ্তাৰ কৰে। আটকাধীন অভিযুক্ত লাইটনজাম ৰকি সিং ওৰফে খুটান (৩৭) আৰু পুখৰম্বম কুমাৰজিৎ সিং (৩৬)। অভিযোগ অনুসৰি ধন দাবী কৰিবলৈ আহিছিল অঞ্চলটোলৈ। তেওঁলোকৰ পৰা মোবাইল নম্বৰ আৰু ছ’ৰেপাৰ নাম থকা এখন হাতে লিখা ধন দাবীৰ নোটও উদ্ধাৰ কৰা হৈছে।
মণিপুৰ আৰক্ষী, চি আৰ পি এফ, আৰ এ এফ, আৰু কোব্ৰাৰ যৌথ দলে ছংটুন গাঁৱত তালাচী অভিযান চলায়। এই অভিযানৰ সময়ত দেশত নিৰ্মিত দুটা ১২ ব’ৰ বন্দুক, বিভিন্ন নিৰ্মাতাৰ আন ১৪টা ১২ ব’ৰ বন্দুক, ১২ ব’ৰ গোলাবাৰুদ ১২২৫টা, ছটা ভিএইচএফ/বেতাঁৰ চেট, আৰু তিনিটা চাৰ্জাৰ উদ্ধাৰ কৰা হয়। লগতে জব্দ কৰা হৈছে এটা গোল্ডেন এণ্টলাৰ টেলিস্কোপ, ১৮টা বিপি ভেষ্ট, আৰু এটা পাউচ।
বিষয়াসকলে জনোৱা মতে, নিৰাপত্তা বাহিনী প্ৰত্যাহাৰৰ সময়ত গাঁওবাসীয়ে মূলতঃ মহিলাসকলে শিলগুটিৰে পথ অৱৰোধ কৰি কথিতভাৱে পৰীক্ষা নকৰা অস্ত্ৰ-শস্ত্ৰ আৰু গোলাবাৰুদ ঘূৰাই দিবলৈ দাবী জনায়। পিছত নিৰাপত্তা বাহিনীয়ে পৰিস্থিতি নিয়ন্ত্ৰণলৈ আনে।
আন এটা অভিযানত চিডিঅ’-কাকচিঙে ইম্ফল পূব জিলাৰ ইৰিলবুং থানা এলেকাৰ অন্তৰ্গত কিয়ামগেই আৱাং লেইকাইত তালাচী অভিযান চলাই নিজৰ বাসগৃহৰ পৰা আৰ পি এফ/পি এল এৰ সক্ৰিয় কেডাৰ নামেইৰাকপাম সঞ্জু মিটেই ওৰফে ঙানবা (৩৫)ক গ্ৰেপ্তাৰ কৰে। তেওঁৰ হাতৰ পৰা এটা এ কে ৰাইফল, এটা চি এম জি কাৰবাইন, বিভিন্ন অস্ত্ৰৰ বাবে ৯টা মেগজিন, বিভিন্ন কেলিবাৰৰ ৭৩৭ জাঁই গুলী, তিনিটা বি পি প্লেট, আৰু তিনিটা বি পি জেকেট উদ্ধাৰ কৰা হৈছে।
২৩ আগষ্টত মইদাংপক মানিং লেইকাইত তালাচী আৰু তদন্তৰ সময়ত চিডিঅ’-আই ডব্লিউৰ দলে অইনাম গিপছন সিং (২৬) ওৰফে জিপ্সী ওৰফে চেইচাটপাক গ্ৰেপ্তাৰ কৰে। ইম্ফল পশ্চিম জিলাৰ কোৱাকিথেল লাইশ্ৰম লেইকাইৰ ঘৰ। তেওঁৰ পৰা এটা .৩২ পিষ্টল আৰু চাৰি জাঁই গুলী ভৰ্তি এটা মেগজিন উদ্ধাৰ কৰা হৈছে।
মণিপুৰত বিদ্ৰোহী কাৰ্যকলাপ, ধন দাবী, অবৈধ অস্ত্ৰ-শস্ত্ৰৰ বিৰুদ্ধে নিৰাপত্তা বাহিনীয়ে অভিযান তীব্ৰতৰ কৰি তুলিছে।
--------
হিন্দুস্থান সমাচাৰ / অৰৱিন্দ
25 Aug 2026
