–সুনাৰিয়া জিলা কাৰাগাৰৰ ৰাম ৰহিমক ২১ দিনৰ পেৰ’লৰ অনুমতি প্ৰদান

ৰোহটক, ২৫ আগষ্ট (হি.স.)। যৌন শোষণ আৰু হত্যাৰ অপৰাধত শাস্তি ভুগি থকা ডেৰা সচা সৌদাৰ মুৰব্বী গুৰমীত ৰাম ৰহিমক পুনৰবাৰ সুনাৰিয়া জেলৰ পৰা মুকলি কৰি দিয়া হৈছে ।

প্ৰাথমিক তথ্য অনুসৰি ৰাম ৰহিমক ২১ দিনৰ পেৰ’ল দিয়া হৈছে, তাৰ পিছত মঙলবাৰে পুৱা কটকটীয়া নিৰাপত্তাৰ মাজতে জেলৰ পৰা মুকলি কৰি ছিৰছালৈ ৰাওনা হয়। ৰোহটকৰ সুনাৰিয়া জেলৰ পৰা পেৰ’লত গুৰমীত ৰাম ৰহিমে ১৭ সংখ্যক বাৰলৈ মুক্তি পালে।

সাধ্বীক যৌন শোষণৰ গোচৰত দোষী সাব্যস্ত হোৱাৰ পিছত ২০১৭ চনৰ আগষ্ট মাহত গুৰমীত ৰাম ৰহিমক সুনাৰিয়া কাৰাগাৰলৈ প্ৰেৰণ কৰা হৈছিল। সাংবাদিক ৰামচন্দ্ৰ ছাত্ৰপতি হত্যাকাণ্ডৰ গোচৰতো তেওঁক দোষী সাব্যস্ত কৰা হৈছে।

এই বছৰ দুবাৰকৈ পেৰ’ল প্ৰদান

ইয়াৰ পূৰ্বে ৰাম ৰহিমে ২০২৬ চনত কাৰাগাৰৰ পৰা ওলাই যোৱাৰ দুটা সুযোগ লাভ কৰিছিল। জানুৱাৰী মাহত ৪০ দিনৰ পেৰ’ল আৰু মে’ মাহত ৩০ দিনৰ পেৰ’ল লাভ কৰিছিল। মে’ মাহত প্ৰদান কৰা ৩০ দিনৰ পেৰ’ল সম্পূৰ্ণ কৰাৰ পিছত ২৬ জুনত পুনৰ সুনাৰিয়া কাৰাগাৰলৈ উভতি আহে গুৰমীত ৰাম ৰহিমে।

এতিয়া ২১ দিনৰ পেৰ’ল লাভ কৰি পুনৰ কাৰাগাৰৰ পৰা মুক্তি পালে ৰাম ৰহিম। মুক্তিৰ সময়ত নিৰাপত্তা কটকটীয়া আছিল, আৰু আৰক্ষীৰ নিৰীক্ষণত তেওঁক ছিৰছালৈ লৈ যোৱা হৈছিল। ১৭ সংখ্যক বাৰৰ বাবে ৰাম ৰহিমৰ জেলৰ পৰা ওলাই অহাৰ লগে লগে তেওঁৰ পেৰ’ল আৰু ফৰ’লৰ বিষয়ে আলোচনা পুনৰ তীব্ৰতৰ হৈ পৰিছে ।

-----------------

হিন্দুস্থান সমাচাৰ / অৰৱিন্দ