গুৱাহাটী, ২৫ আগষ্ট (হি.স.)। জলপৃষ্ঠ হ্ৰাস পোৱাৰ লগে লগে অসমৰ বহু ঠাইত পৰিস্থিতিৰ উন্নতি ঘটিছে যদিও শিৱসাগৰ, কাছাৰ, গোলাঘাট, যোৰহাট, আৰু নগাঁও জিলাত বান সংকট আৰু ইয়াৰ প্ৰভাৱ অব্যাহত আছে। এই জিলাকেইখনত এতিয়াও ৯১ খন গাঁৱৰ ১৯,২১০ জন বাসিন্দা ক্ষতিগ্ৰস্ত। ক্ষতিগ্ৰস্ত অঞ্চলত প্ৰশাসন আৰু দুৰ্যোগ ব্যৱস্থাপনা দলে সাহায্য আৰু উদ্ধাৰ অভিযানত নিয়োজিত হৈ আছে।

অসম ৰাজ্যিক দুৰ্যোগ ব্যৱস্থাপনা প্ৰাধিকৰণে প্ৰকাশ কৰা শেহতীয়া তথ্য অনুসৰি সকলো নদী বিপদৰ চিহ্নৰ তললৈ বৈ আছে। এই বানত মৃত্যু হোৱা লোকৰ সংখ্যা ১০৬ জন।বৰ্তমান পাঁচখন জিলাত বানপানী অব্যাহত আছে। ক্ষতিগ্ৰস্ত জিলাসমূহৰ ভিতৰত শিৱসাগৰ, কাছাৰ, গোলাঘাট, যোৰহাট, আৰু নগাঁও। পাঁচখন জিলাৰ ১০টা ৰাজহ বিভাগৰ মুঠ ৯১খন গাঁও বানত ক্ষতিগ্ৰস্ত হৈছে। বৰ্তমান ৰাজ্যখনৰ মুঠ ১৯,২১০ জন লোক এতিয়াও ক্ষতিগ্ৰস্ত, আৰু ৩,১০৯.৩৯ হেক্টৰ কৃষিভূমি ডুব গৈছে।

ৰাজ্য চৰকাৰে বানত ক্ষতিগ্ৰস্তসকলৰ বাবে ৫টা সাহায্য শিবিৰ আৰু ১১টা সাহায্য বিতৰণ কেন্দ্ৰকে ধৰি ১৬টা সাহায্য শিবিৰৰ পৰিচালনা অব্যাহত ৰাখিছে। ১৫৯ জন লোকে সাহায্য শিবিৰত আশ্ৰয় লৈ থকাৰ বিপৰীতে ১২,৫০৫ জন অশিবিৰ বাসিন্দাই সাহায্য বিতৰণ কেন্দ্ৰত সাহায্য লাভ কৰি আছে। সোমবাৰে বানত ক্ষতিগ্ৰস্ত হোৱা মুঠ জীৱ-জন্তুৰ সংখ্যা ১৭,৬৪৮ টা।

২৪ আগষ্ট পৰ্যন্ত শিৱসাগৰ জিলাত বানপানীৰ ফলত সম্পূৰ্ণৰূপে ক্ষতিগ্ৰস্ত হোৱা জুপুৰী ঘৰৰ সংখ্যা ১৭৫ টা, আৰু শিৱসাগৰ জিলাত সম্পূৰ্ণৰূপে ক্ষতিগ্ৰস্ত হোৱা পকা ঘৰৰ সংখ্যা ২০ টা শিৱসাগৰ জিলাৰ জুপুৰি ২৫ টা। শিৱসাগৰ জিলাৰ মুঠ ক্ষতিগ্ৰস্ত গৰু-ম’হৰ খুঁটি ১৪৫ টা।

ৰাজ্য চৰকাৰে বানাক্ৰান্ত লোকসকলৰ মাজত ২১২,৭৮৮ কুইণ্টল চাউল, ৩৭,৫০৬ কুইণ্টল দালি, ১১,২৪৫৮ কুইণ্টল নিমখ, ১০২,৬৯০ লিটাৰ সৰিয়হ তেলকে ধৰি সাহায্য সামগ্ৰী বিতৰণ কৰে।

ৰাজ্য চৰকাৰে বানাক্ৰান্ত অঞ্চলসমূহৰ পথ, দলং, আৰু অন্যান্য আন্তঃগাঁথনিৰ ব্যাপক ক্ষতিৰ মূল্যায়ন কৰি আছে। ক্ষতিগ্ৰস্ত লোকসকলক আৰ্থিক আৰু অন্যান্য সাহায্যও আগবঢ়োৱা হৈছে। ৰাজ্য চৰকাৰৰ বিভিন্ন মন্ত্ৰালয় আৰু বিভাগে নিয়মীয়াকৈ পৰ্যালোচনা বৈঠক অনুষ্ঠিত কৰি প্ৰয়োজনীয় পদক্ষেপ গ্ৰহণ কৰিছে।

---------------

হিন্দুস্থান সমাচাৰ / অৰৱিন্দ