গোলাঘাট, ২৩ আগষ্ট (হি.স.)। কাজিৰঙাত পৰিৱেশ সংবেদনশীল এলেকাৰ পৰিসৰ হ্ৰাস কৰাৰ বিষয়ক কেন্দ্ৰ কৰি ৰাজ্যজুৰি প্ৰৱল বাদানুবাদ চলি থকাৰ সময়তে কাজিৰঙাৰ পৰিৱেশ কৰ্মী মনোজ গগৈয়ে প্ৰতিক্ৰিয়া ব্য়ক্ত কৰিছে ৷ মনোজ গগৈয়ে কয় যে মোৰ জন্ম কাজিৰঙাতে, ভৱা নাছিলো এনে এক পৰিস্থিতিৰ সন্মুখীন হ’ব লাগিব বুলি ৷ আমি আমাৰ পৰিচয়ক হেৰুৱাব নিবিছাৰো ৷ বৰ্তমান সময়ত এক উচ্চ পৰ্যায়ৰ পৰ্যবেক্ষণৰ দাবী জনায় প্ৰকৃতিপ্ৰেমী যুৱক মনোজ গগৈযে ৷

লগতে মনোজ গগৈয়ে কয় যে জীৱ জন্তু, মানুহৰ অনিষ্ট হব নালাগে ৷ প্ৰকৃতিৰ সৃষ্টি যাতে অটুত থাকে তেনে এক সিদ্ধান্ত গ্ৰহণ কৰিব লাগে চৰকাৰে৷ কাজিৰঙাৰ বাবে কাৰ্বি আংলং পাহাৰটোৱে গুৰুত্বপুৰ্ণ দায়িত্ব পালন কৰি আছে ৷ কোনো স্বাৰ্থতে যাতে দুষ্ট চক্ৰই কাৰ্বি আংলঙৰ পাহাৰটোৰ আঘাত সানিব নোৱাৰে তাৰ বাবে ব্যৱস্থা ল’বলৈ মুখ্যমন্ত্ৰীক অনুৰোধ জনাইছে পৰিৱেশ কৰ্মী মনোজ গগৈয়ে ৷

---------------

হিন্দুস্থান সমাচাৰ / প্ৰকাশ ডেকা