চণ্ডীগড়, ২৩ আগষ্ট (হি.স.)। শ্বেৰ-ই-পাঞ্জাব টি-২০ লীগত অংশগ্ৰহণ কৰা ফাজিলকা ফেলকনছক নেতৃত্ব দিবলৈ উৎফুল্লিত ভাৰতীয় ক্ৰিকেটাৰ শুভমন গিল। তেওঁ কয় যে দলৰ যুৱ আৰু প্ৰতিভাৱান খেলুৱৈৰ সৈতে খেলাটো তেওঁলোকৰ বাবে শিকিবলৈ আৰু অভিজ্ঞতা ভাগ-বতৰা কৰাৰ এক সুন্দৰ সুযোগ হ’ব।
চণ্ডীগড়ৰ আই এছ বিন্দ্ৰা ষ্টেডিয়ামত ৩০ আগষ্টৰ পৰা আৰম্ভ হ’ব শ্বেৰ-ই-পাঞ্জাব টি-২০ লীগ। পঞ্জাৱৰ বহু আশাব্যঞ্জক যুৱ ক্ৰিকেটাৰক নিজৰ প্ৰতিভা প্ৰদৰ্শনৰ সুযোগ প্ৰদান কৰি খিতাপৰ বাবে ছটা দলে প্ৰতিযোগিতাত অৱতীৰ্ণ হ’ব। ফাজিলকা ফেলকনছৰ অধিনায়ক হিচাপে থাকিব ভাৰতীয় ক্ৰিকেট দলৰ প্ৰাক্তন টেষ্ট আৰু এদিনীয়া অধিনায়ক শুভমন গিল।
অধিনায়কত্ব আৰু দলৰ সন্দৰ্ভত শুভমন গিলে এক বিবৃতিত কয় যে, ফাজিলকা ফেলকনছৰ অধিনায়কত্ব লাভ কৰি মই অতিশয় উৎসাহিত। আমাৰ হাতত এটা প্ৰতিভাৱান আৰু ৰোমাঞ্চকৰ খেলুৱৈৰ দল আছে। দলৰ সৈতে কাম কৰি একেলগে খেলিবলৈ আগ্ৰহী। এইটো আমাৰ সকলোৰে বাবে ইজনে সিজনৰ পৰা শিকিবলৈ আৰু ভাল ক্ৰিকেট খেলাৰ এক সুন্দৰ সুযোগ হ’ব।’
এই লীগ আয়োজন কৰি যুৱ ক্ৰিকেটাৰসকলক কেৰিয়াৰত আগবাঢ়ি যাবলৈ এক মঞ্চ প্ৰদান কৰাৰ বাবে পঞ্জাৱ ক্ৰিকেট এছ’চিয়েশ্যনকো গিলে প্ৰশংসা কৰে।
তেওঁ কয়, শ্বেৰ-ই-পাঞ্জাব টি-২০ লীগ আয়োজন কৰাৰ বাবে পঞ্জাৱ ক্ৰিকেট এছ'চিয়েচনক ধন্যবাদ জনাইছো। পঞ্জাৱৰ যুৱ আৰু প্ৰতিভাৱান ক্ৰিকেটাৰসকলৰ বাবে এইটো এক অতি গুৰুত্বপূৰ্ণ মঞ্চ। তেওঁলোকে অভিজ্ঞ আৰু মানসম্পন্ন খেলুৱৈৰ বিৰুদ্ধে খেলাৰ সুযোগ পায়, অভিজ্ঞতা লাভ কৰে, আৰু নিজৰ সম্ভাৱনা প্ৰদৰ্শন কৰে। আশাকৰোঁ, এই খেলুৱৈসকলৰ বহুতেই এই প্ৰতিযোগিতাখনক বৃহৎ সুযোগৰ বাবে খোজৰ শিল হিচাপে ব্যৱহাৰ কৰিবলৈ সক্ষম হ'ব।
ফাজিলকা ফেলকনছৰ যুৱ খেলুৱৈসকলৰ সৈতেও নিজৰ অভিজ্ঞতা ভাগ-বতৰা কৰি উৎফুল্লিত হৈ পৰিছে গিল। তেওঁৰ মতে আত্মবিশ্বাস, মেচৰ পৰিস্থিতি বুজি পোৱা, হেঁচাত পৰি সুস্থ সিদ্ধান্ত লোৱাৰ ক্ষমতা যুৱ ক্ৰিকেটাৰৰ বাবে অতি গুৰুত্বপূৰ্ণ।
গিলে কয়, যুৱ খেলুৱৈসকলৰ বাবে নিজৰ ক্ষমতাত বিশ্বাস কৰাটো আৰু হেঁচাত শান্ত হৈ থকাটো অতি গুৰুত্বপূৰ্ণ। মই তেওঁলোকক খেলখন ভালদৰে বুজিবলৈ সহায় কৰিব বিচাৰো, সেয়া পঢ়াৰ পৰিস্থিতি হওক, সুস্থ সিদ্ধান্ত লোৱাই হওক, বা চাপ চম্ভালিবলৈ হওক।
প্ৰতিযোগিতাখনত জয়ী হোৱাটো নিশ্চিতভাৱে ফাজিলকা ফেলকনছৰ বাবে প্ৰধান লক্ষ্য হ’ব যদিও গিলৰ মতে লীগৰ চূড়ান্ত সফলতাও নিৰ্ভৰ কৰিব ই যুৱ খেলুৱৈৰ বাবে কিমান নতুন সুযোগ সৃষ্টি কৰে তাৰ ওপৰত।
গিলে কয় যে অৱশ্যেই আমি ট্ৰফী জয় কৰাৰ লক্ষ্য ৰাখিম, কিন্তু মোৰ বাবে সফলতাৰ অৰ্থ হ’ব আমাৰ দলৰ যুৱ খেলুৱৈসকলে সমগ্ৰ প্ৰতিযোগিতাখনত কিমান বিকাশ লাভ কৰে।
শ্বেৰ-ই-পাঞ্জাব টি-২০ লীগে ৰাজ্যখনৰ কেইবাগৰাকীও উদীয়মান ক্ৰিকেটাৰক একত্ৰিত কৰি সঁচা অৰ্থত এক ৰোমাঞ্চকৰ প্ৰতিযোগিতাত অংশগ্ৰহণ কৰাৰ সম্ভাৱনা আছে। ফাজিলকা ফেলকনছৰ অধিনায়ক হিচাপে শ্বুবমান গিলৰ উপস্থিতিয়ে দলটোক অভিজ্ঞতা আৰু উত্তেজনা বৃদ্ধি কৰিব।
-----------------
হিন্দুস্থান সমাচাৰ / অৰৱিন্দ
