ৰোম, ২২ আগষ্ট (হি.স.)। লিভাৰপুলৰ মিডফিল্ডাৰ কাৰ্টিছ জ’নে ইণ্টাৰ মিলানৰ সৈতে চুক্তিবদ্ধ হৈ এই গ্ৰীষ্মকালত ইটালীৰ ক্লাবত যোগদান কৰা তৃতীয়জন ইংৰাজী খেলুৱৈ হিচাপে পৰিগণিত হৈছে ।
লিভাৰপুলত ১৬ বছৰ কটোৱাৰ পাছত প্ৰথমবাৰৰ বাবে ইংলেণ্ডৰ বাহিৰত খেলিব । ইণ্টাৰ মিলানত ইংলেণ্ডৰ জন ষ্ট’নছ আৰু ডেজ স্পেন্সৰ সৈতে যোগ দিব। ইণ্টাৰ মিলানৰ ইতিহাসত ক্লাবৰ হৈ খেলা ষষ্ঠজন ইংৰাজ খেলুৱৈ হ’ব জ’নছ ।
ইণ্টাৰ মিলানে এক বিবৃতিত কয় যে জ’নৰ বাবে এক নতুন আৰু ৰোমাঞ্চকৰ প্ৰত্যাহ্বানৰ সময় আহি পৰিছে, আৰু তেওঁ এই নতুন যাত্ৰাত নামিব যি আত্মবিশ্বাসৰ ভাৱ তেওঁৰ সমগ্ৰ কেৰিয়াৰত সংগ দি আহিছে।
সংবাদ মাধ্যমৰ বাতৰি অনুসৰি জ’নৰ চুক্তিৰ মূল্য প্ৰায় ৩৫ মিলিয়ন ইউৰো (প্ৰায় ৪০.৮ মিলিয়ন মাৰ্কিন ডলাৰ)।
লিভাৰপুলৰ পৰা আৱেগিক বিদায়
ছ’চিয়েল মিডিয়া প্লেটফৰ্ম ইনষ্টাগ্ৰামত লিভাৰপুলৰ পৰা আৱেগিক বিদায় দি জ’নে কয় যে ১৬ বছৰৰ পাছত বিদায় লোৱাৰ সময় আহি পৰিছে।
লিভাৰপুলৰ হৈ খেলাৰ সপোন লৈ মই সৰুতে ইয়ালৈ আহিছিলো, আৰু মই সৌভাগ্যৱান যে প্ৰকৃততে সেই সপোনটো জীয়াই থকাৰ সুযোগ পাইছো। জ’নে কয় যে লিভাৰপুল সদায় তেওঁৰ জীৱনৰ এটা ডাঙৰ অংশ হৈ থাকিব।
ইণ্টাৰমিলানে নতুন ছিজনত ছিৰি এ অভিযান আৰম্ভ কৰিব শনিবাৰে মন্জাৰ বিৰুদ্ধে এখন খেলৰ জৰিয়তে।
-----------------
হিন্দুস্থান সমাচাৰ / অৰৱিন্দ
