যোৰহাট, ২২ আগষ্ট (হি.স.)। এক্সন মুডত যোৰহাট আৰক্ষী। অন্বেষা শইকিয়া কাণ্ডৰ পাছতেই এক্সন মুডত থকা যোৰহাট আৰক্ষীয়ে কালি সন্ধিয়া কেন্দুগুৰি ১ নং বামুন গাঁৱত বুজন পৰিমানৰ গাঞ্জা সহ এজন ব্যক্তিক আটক কৰি প্ৰায় ৩০ মিনিটৰ পাছতেই যোৰহাটৰ লায়ন্স চকু চিকিৎসালয়ৰ সন্মুখত নিষিদ্ধ ড্ৰাগছৰ সৈতে এজন যুৱকক আটক কৰিবলৈ সক্ষম হয়৷

যুৱকজন চিনামৰা কাবাঙ গাঁৱৰ উত্তম বৰা বুলি জানিব পৰা গৈছে৷ আনহাতে জব্দ কৰা ড্ৰাগছখিনি প্ৰায় ১৮ গ্ৰাম আৰু ইয়াৰ মূল্য লক্ষাধিক টকা বুলি জানিব পৰা গৈছে৷

হিন্দুস্থান সমাচাৰ / কিশোৰ মিশ্ৰ