নতুন দিল্লী, ২২ আগষ্ট (হি.স.)। গ্ৰামোন্নয়ন মন্ত্ৰালয়ৰ ক্ষমতাশালী সমিতিয়ে মহিলা নেতৃত্বাধীন গ্ৰাম্য উদ্যোগ সম্প্ৰসাৰণ আৰু বৃদ্ধিমুখী ব্যৱসায়লৈ ৰূপান্তৰিত কৰাৰ বাবে কেইবাটাও মূল প্ৰস্তাৱ পৰ্যালোচনা কৰে।
গ্ৰামোন্নয়ন মন্ত্ৰালয়ৰ তথ্য অনুসৰি দীনদয়াল অন্ত্যোদয় যোজনা-ৰাষ্ট্ৰীয় গ্ৰাম্য জীৱিকা অভিযানৰ অকৃষি জীৱিকা (এন এফ এল) উপাদানৰ অধীনত অনুষ্ঠিত বৈঠকত গ্ৰামোন্নয়ন সম্পাদক ৰোহিত কানছালৰ সভাপতিত্বত অনুষ্ঠিত হয়। এই পদক্ষেপৰ প্ৰধান উদ্দেশ্য হৈছে গ্ৰাম্য মহিলা উদ্যোগীক প্ৰচাৰ কৰি ৬ কোটি লাখপতি দিদি সৃষ্টিৰ ৰাষ্ট্ৰীয় লক্ষ্য ত্বৰান্বিত কৰা।
এই বৈঠকত যুটীয়া সম্পাদক (গ্ৰাম্য জীৱিকা) অমিত শুক্লা আৰু স্বতী শৰ্মাৰ লগতে ৰাজ্যৰ জ্যেষ্ঠ বিষয়া আৰু শৈক্ষিক প্ৰতিনিধিসকল উপস্থিত থাকে।
সমিতিখনে চাৰিখন ৰাজ্যৰ আগশাৰীৰ শৈক্ষিক প্ৰতিষ্ঠানৰ সৈতে অংশীদাৰিত্বৰে নতুন ইনকিউবেটৰ কাৰ্যসূচীৰ ৰূপৰেখা দাঙি ধৰে। ইয়াৰ ভিতৰত আই আই টি পাটনা (বিহাৰ), আই আই এম জম্মু (জম্মু-কাশ্মীৰ), আই আই এম লক্ষ্ণৌ (উত্তৰ প্ৰদেশ), আৰু আই আই টি গান্ধীনগৰ (গুজৰাট) আদি।
এই কাৰ্যসূচীসমূহৰ জৰিয়তে ৬০০ৰো অধিক উচ্চ সম্ভাৱনাপূৰ্ণ গ্ৰাম্য আত্মসহায়ক গোট (এছ এইচ জি) উদ্যোগক ব্যৱসায়িক কৌশল, মেণ্টৰশ্বিপ, বিত্তীয় পৰিকল্পনা, প্ৰযুক্তি, আৰু বজাৰত প্ৰৱেশৰ ক্ষেত্ৰত গাঁথনিগত সহায় প্ৰদান কৰা হ’ব। নতুন ইনকিউবেটৰসমূহে মূলতঃ খাদ্য আৰু কৃষি প্ৰক্ৰিয়াকৰণ, বস্ত্ৰ হস্তশিল্প আৰু উৎপাদন, খুচুৰা সেৱা আৰু পৰ্যটন সম্পৰ্কীয় কাৰ্য্যকলাপ, আৰু ডিজিটেল উদ্যোগৰ দৰে খণ্ডসমূহৰ ওপৰত গুৰুত্ব আৰোপ কৰিব।
পশ্চিম বংগ আৰু গোৱাত অকৃষি উদ্যোগৰ পৰিৱেশ তন্ত্ৰ শক্তিশালী কৰাৰ বাবে ষ্টাৰ্ট-আপ ভিলেজ এণ্টাৰপ্ৰেনিউৰশ্বিপ প্ৰগ্ৰেম (এছভিইপি) সম্প্ৰসাৰণৰ বাবে অনুমোদন দিয়া হয়।
অসম, বিহাৰ, পশ্চিম বংগ, আৰু কৰ্ণাটকৰ সফল আৰ্হি অনুসৰণ কৰি বৰ্তমান ১৩খন ৰাজ্যত ১৪টা ইনকিউবেটৰ কাৰ্যসূচী চলি আছে, যিয়ে ২,১০০ৰো অধিক এছ এইচ জি উদ্যোগক সহায় কৰিছে। এই পদক্ষেপ গ্ৰাম্য মহিলাসকলক কেৱল জীৱিকাৰ কামৰ পৰা উচ্চ টাৰ্ণঅভাৰ, শক্তিশালী বজাৰ সংযোগ, আৰু বৃহৎ পৰিসৰৰ নিয়োগ সৃষ্টিৰ সৈতে বহনক্ষম উদ্যোগলৈ লৈ যোৱাৰ বাবে ডিজাইন কৰা হৈছে।
--------------
হিন্দুস্থান সমাচাৰ / অৰৱিন্দ
24 Aug 2026
