নতুন দিল্লী, ২২ আগষ্ট (হি.স.)। দিল্লীৰ মুখ্যমন্ত্ৰী ৰেখা গুপ্তাই আজি তামিলনাডুৰ ভেল্লোৰৰ ভেল্লোৰ ইনষ্টিটিউট অৱ টেকন'লজি (ভিআইটি)ত বেক্টেৰিয়াফেজ আৰু সংক্ৰামক ৰোগৰ উন্নত গৱেষণা কেন্দ্ৰ (কাৰ্বিড) উদ্বোধন কৰে।

ছ’চিয়েল মিডিয়া একাউণ্টত মুখ্যমন্ত্ৰীগৰাকীয়ে এক পোষ্টত কয় যে ভাৰতৰ বৈজ্ঞানিক প্ৰতিভাই আজি গৱেষণাৰ পৰা সমাধান আৰু উদ্ভাৱনৰ পৰা জনকল্যাণলৈকে নতুন উচ্চতা লাভ কৰিছে। ইণ্ডিয়ান কাউন্সিল অৱ মেডিকেল ৰিচাৰ্চ (আই চি এম আৰ)ৰ সহযোগত স্থাপন কৰা এই কেন্দ্ৰটোৱে সংক্ৰামক ৰোগৰ ক্ষেত্ৰত অত্যাধুনিক গৱেষণাৰ বাবে নতুন গতি প্ৰদান কৰিব। এনে প্ৰতিষ্ঠানে সুস্থ ভাৰতৰ সংকল্প শক্তিশালী কৰাৰ লগতে বিশ্ব স্বাস্থ্য গৱেষণাত ভাৰতৰ ভূমিকা আৰু অধিক শক্তিশালী কৰিব বুলিও কয়।

উল্লেখযোগ্য যে ড° এন ৰমেশে আইচিএমআৰৰ পুঁজিৰে গঠিত সন্মানীয় এক্সট্ৰা-মিউৰেল চেণ্টাৰ ফৰ এডভান্সড ৰিচাৰ্চ কাৰ্যসূচীৰ অধীনত ভেলোৰ ইনষ্টিটিউট অৱ টেকন'লজিত কাৰ্বিড স্থাপন কৰিছিল। বিশেষকৈ এন্টিমাইক্ৰ’বিয়াল প্ৰতিৰোধ ক্ষমতাৰ বৃদ্ধি পোৱা প্ৰাদুৰ্ভাৱৰ পোহৰত জীৱনলৈ ভাবুকি কঢ়িয়াই অনা বেক্টেৰিয়াৰ সংক্ৰমণৰ বিৰুদ্ধে যুঁজিবলৈ বেক্টেৰিয়াফেজৰ পৃথকীকৰণ, বৈশিষ্ট্য নিৰ্ণয় আৰু চিকিৎসামূলক ব্যৱহাৰৰ সৈতে জড়িত অত্যাধুনিক গৱেষণা আগবঢ়াই নিয়াৰ বাবে কাৰ্বিড উৎসৰ্গিত। কেন্দ্ৰটোৱে সংক্ৰামক ৰোগ পৰিচালনাৰ ক্ষেত্ৰত বহুবিষয়ক গৱেষণা আৰু উন্নয়ন প্ৰকল্প, অনুবাদমূলক গৱেষণা, আৰু পৰামৰ্শদাতা সেৱা সক্ৰিয়ভাৱে আগবঢ়াই লৈ যায়।

হিন্দুস্থান সমাচাৰ / মনোজ কুমাৰ শইকীয়া