নতুন দিল্লী, ২২ আগষ্ট (হি.স.)। দিল্লীৰ কনষ্টিটিউচন ক্লাব অৱ ইণ্ডিয়াত শনিবাৰে অনুষ্ঠিত সাহিত্য আৰু সাংস্কৃতিক অনুষ্ঠানৰ সময়ত দুখন গ্ৰন্থ উন্মোচন কৰা হয়।

এই দুখন গুৰুত্বপূৰ্ণ গ্ৰন্থ হ'ল ডিফেণ্ডাৰ্চ অফ অখণ্ড ভাৰত (লেখক: ড° অশোক উপাধ্যায় আৰু ড° শোভা উপাধ্যায়) আৰু ষোল্ল সংস্কাৰ অফ সনাতন ধৰ্ম (লেখক: ড° শোভা উপাধ্যায়)। ভাৰতৰ সভ্যতাবাদী ঐতিহ্যক বুজিবলৈ, সন্মান কৰিবলৈ আৰু আগুৱাই নিবলৈ নৱপ্ৰজন্মক অনুপ্ৰাণিত কৰাটোৱেই এই গ্ৰন্থসমূহৰ প্ৰধান উদ্দেশ্য।

যৌথ ভাষণত লেখকসকলে এই কথাত গুৰুত্ব আৰোপ কৰে যে ভাৰতৰ মহত্ত্ব কেৱল ইয়াৰ সামৰিক শক্তিতেই নহয়, ইয়াৰ সাংস্কৃতিক মূল্যবোধ আৰু সভ্যতাৰ ধাৰাবাহিকতাতো নিহিত হৈ আছে।

এই গ্ৰন্থসমূহৰ বাৰ্তাক আজিৰ তাৰিখত অত্যন্ত প্ৰাসংগিক বুলি অভিহিত কৰি মুখ্য বক্তাসকলে কয় যে, অস্ত্ৰই এখন ৰাষ্ট্ৰ সীমা ৰক্ষা কৰে, আনহাতে সংস্কাৰে ইয়াৰ আত্মাক ৰক্ষা কৰে।

ৰাজনৈতিক উত্তাল পৰিস্থিতি আৰু অসংখ্য ঐতিহাসিক পৰিৱৰ্তনৰ পিছতো ভাৰতীয় সভ্যতা ৫০০০ বছৰতকৈও অধিক সময় ধৰি কেনেকৈ আৰু কিয় একেধৰণৰ হৈ আছে, সেই বিষয়েও এই গ্ৰন্থসমূহত বিশ্লেষণ কৰা হৈছে।

অনুষ্ঠানত সভাপতিত্ব কৰে ইন্দিৰা গান্ধী ৰাষ্ট্ৰীয় কলা কেন্দ্ৰৰ সভাপতি পদ্ম ভূষণ ৰাম বাহাদুৰ ৰায়ে। মুখ্য অতিথি হিচাপে উপস্থিত আছিল কেন্দ্ৰীয় বস্ত্ৰ মন্ত্ৰী গিৰিৰাজ সিং, ৰাজ্যসভাৰ সদস্য তথা ভাৰতীয় জনতা পাৰ্টিৰ ৰাষ্ট্ৰীয় মুখপাত্ৰ ড° সুধাংশু ত্ৰিবেদী, মুখ্য বক্তা, কুশভাউ ঠাকৰে বিশ্ববিদ্যালয়ৰ উপাচাৰ্য অধ্যাপক বলদেৱ ভাই শৰ্মা, বিজেপিৰ জ্যেষ্ঠ নেতা তথা প্ৰাক্তন ৰাষ্ট্ৰীয় উপ সভাপতি শ্যাম জাজু আৰু প্ৰভাত প্ৰকাশনৰ পৰিচালন সঞ্চালক প্ৰভাত কুমাৰ।

হিন্দুস্থান সমাচাৰ / মনোজ কুমাৰ শইকীয়া