- ২৮ আগষ্ট, ৰক্ষাবন্ধনত পবিত্ৰ গুহাত বিশেষ প্ৰাৰ্থনা কৰা হ’ব, আৰু ৩০ আগষ্টত পৰম্পৰাগত বিসৰ্জন

শ্ৰীনগৰ, ২২ আগষ্ট (হি.স.)। পৰম্পৰাগত প্ৰাৰ্থনাৰ অন্তত শ্ৰীনগৰৰ দশনামী আখৰা ভৱনৰ পৰা শনিবাৰে পেহেলগামলৈ প্ৰেৰণ কৰা হয় ভগৱান শিৱৰ পবিত্ৰ প্ৰতীক ‘ছড়ি মুবাৰক’। ইয়াৰ লগে লগে শ্ৰী অমৰনাথৰ পবিত্ৰ গুহালৈ পৰম্পৰাগত বাৰ্ষিক তীৰ্থযাত্ৰা আৰম্ভ হয়।

ছড়ি মুবাৰকৰ ৰক্ষক মহন্ত দীপেন্দ্ৰ গিৰীয়ে উল্লেখ কৰে যে পৰম্পৰাগত অৱস্থানত প্ৰতীকী প্ৰাৰ্থনাৰ অন্তত পবিত্ৰ ছড়ি পেহেলগামত উপস্থিত হ’ব। নিৰ্ধাৰিত সময়সূচী অনুসৰি ২৪ আগষ্টত চন্দনৱাৰীত আৰু ২৫ আগষ্টত শ্বেষনাগত ৰ’ব ছড়ি মুবাৰক। ইয়াৰ পিছত ২৬ আৰু ২৭ আগষ্টত পঞ্চতৰণীত থাকিব।

তেওঁ উল্লেখ কৰে যে ২৮ আগষ্টত ৰক্ষাবন্ধন উপলক্ষে ছড়ি মুবাৰকক পবিত্ৰ গুহালৈ লৈ যোৱা হ’ব। তাত পৰম্পৰাগত প্ৰাৰ্থনা আৰু বৈদিক জপেৰে প্ৰতিষ্ঠা কৰা হ’ব।

এই ধৰ্মীয় অনুষ্ঠানটো শতিকা পুৰণি পৰম্পৰাৰ সৈতে জড়িত যে ভগৱান শিৱই পবিত্ৰ গুহাত দেৱী পাৰ্বতীক অমৰত্বৰ কাহিনী বৰ্ণনা কৰিছিল।

পবিত্ৰ গুহাত ধৰ্মীয় ৰীতি-নীতি সমাপ্ত হোৱাৰ পিছত ছড়ি মুবাৰক পুনৰ পঞ্চতৰণীলৈ ঘূৰি আহিব। ২৯ আগষ্টত শেষনাগ আৰু চন্দনৱৰী হৈ পেহেলগামত উপস্থিত হোৱাৰ কথা। ৩০ আগষ্টত প্ৰাৰ্থনা আৰু পৰম্পৰাগত বিসৰ্জন অনুষ্ঠানৰ জৰিয়তে বাৰ্ষিক যাত্ৰাৰ সামৰণি পৰিব।

হিন্দুস্থান সমাচাৰ / মনোজ কুমাৰ শইকীয়া