আমষ্টেলভিন, ২১ আগষ্ট (হি.স.)। এফ আই এইচ হকী বিশ্বকাপ বেলজিয়াম-নেদাৰলেণ্ড ২০২৬ৰ দ্বিতীয় পৰ্যায়ত ভাৰতীয় পুৰুষ আৰু মহিলা দলে অলিম্পিক চেম্পিয়ন নেদাৰলেণ্ডৰ পৰা কঠিন প্ৰত্যাহ্বানৰ সন্মুখীন হ’ব।দুয়োটা ভাৰতীয় দলে নিজ নিজ পুলত দ্বিতীয় স্থান দখল কৰি দ্বিতীয় পৰ্যায়ৰ বাবে যোগ্যতা অৰ্জন কৰে।
শুকুৰবাৰে নিশা ৯:৩০ বজাত আমষ্টেলভিনৰ ৱেগেনাৰ ষ্টেডিয়ামত অনুষ্ঠিত হ’বলগীয়া পুল ই মেচত ভাৰতীয় মহিলা দলটোৱে আয়োজক নেদাৰলেণ্ডৰ বিৰুদ্ধে খেলিব। প্ৰথম পৰ্যায়ত ভাৰতে দক্ষিণ আফ্ৰিকাক ৬-১ গ’লত পৰাস্ত কৰাৰ বিপৰীতে ইংলেণ্ডৰ বিৰুদ্ধে খেলখন গ’লবিহীন ড্ৰ’ত সমাপ্ত হয়। ভাৰতে চীনৰ বিৰুদ্ধেও ড্ৰ’ খেলিছিল।
ভাৰত আৰু চীনৰ ড্ৰ’ত দুয়োটা দলৰ হাতত এটাকৈ পইণ্ট আছে, যিটো দ্বিতীয় পৰ্যায়ত গুৰুত্বপূৰ্ণ বুলি প্ৰমাণিত হ’ব পাৰে। পুল ই আৰু এফৰ শীৰ্ষ দুটা দলে ছেমি ফাইনেলত প্ৰৱেশ কৰিব।
নেদাৰলেণ্ডৰ পাছত ভাৰতীয় মহিলা দলটোৱে ২৩ আগষ্টৰ নিশা ১০:৩০ বজাত অষ্ট্ৰেলিয়াৰ বিৰুদ্ধে খেলিব।
পুৰুষৰ দলটোৱে নেদাৰলেণ্ডৰ বিৰুদ্ধেও খেলিব
২২ আগষ্টৰ সন্ধিয়া ৭:৩০ বজাত ভাৰতীয় পুৰুষ দলে দ্বিতীয় লেগৰ প্ৰথমখন মেচ নেদাৰলেণ্ডৰ বিৰুদ্ধে খেলিব। ইয়াৰ পিছত ২৪ আগষ্টত সন্ধিয়া ৬:১৫ বজাত আৰ্জেণ্টিনাৰ বিৰুদ্ধে খেলিব।
পুৰুষ দলটোৱে অৱশ্যে দ্বিতীয় লেগত কোনো পইণ্ট কঢ়িয়াই নিব নোৱাৰিব। পুল ডিত ভাৰতক ৪-২ গ’লত পৰাস্ত কৰি ইংলেণ্ডে শীৰ্ষস্থান দখল কৰি এটা পইণ্টেৰে আগবাঢ়ি যায়।
ৱেলছক ৩-১ গ’লত পৰাস্ত কৰি ভাৰতে অভিযান আৰম্ভ কৰিছিল আৰু তাৰ পাছত পাকিস্তানক ৫-৩ গ’লত পৰাস্ত কৰি পুলত দ্বিতীয় স্থান দখল কৰিছিল৷
ছেমি ফাইনেলৰ পথ প্ৰত্যাহ্বানমূলক হ’ব
২০২৪ চনৰ পেৰিছ অলিম্পিকত নেদাৰলেণ্ডে পুৰুষ আৰু মহিলা দুয়োটা শাখাতে স্বৰ্ণ পদক লাভ কৰে। গতিকে আয়োজক দলৰ বিৰুদ্ধে খেলখন ভাৰতীয় দুয়োটা দলৰ বাবে অত্যন্ত প্ৰত্যাহ্বানমূলক হ’ব।
ভাৰতীয় মহিলা দলটোৱে এই পৰ্যন্ত আক্রমণাত্মক আৰু ৰক্ষণাত্মক খেলৰ মাজত ভাল ভাৰসাম্য প্রদর্শন কৰাৰ বিপৰীতে পুৰুষ দলটোৱে পাকিস্তানৰ বিৰুদ্ধে গুঞ্জৰিত জয়ৰে প্রথম লেগৰ সামৰণি মাৰে৷ এতিয়া দ্বিতীয় লেগত দুয়োটা দলে নতুনকৈ আৰম্ভণি কৰিব লাগিব। নেদাৰলেণ্ডৰ বিৰুদ্ধে শক্তিশালী আৰম্ভণি ভাৰতৰ বাবে ছেমিফাইনেল স্থানৰ বাবে প্ৰতিদ্বন্দ্বিতাত থাকিবলৈ অতি গুৰুত্বপূৰ্ণ হ’ব।
-----------------
হিন্দুস্থান সমাচাৰ / অৰৱিন্দ
