লক্ষ্ণৌ, ২১ আগষ্ট (হি.স.)। বহুজন সমাজ পাৰ্টিৰ ৰাষ্ট্ৰীয় সভানেত্ৰী মায়াৱতীয়ে বন্দে মাতৰমৰ গায়নক লৈ প্ৰতিক্ৰিয়া প্ৰকাশ কৰিছে। এই বিষয়টোক ৰাজনীতিকৰণ কৰাটো উচিত নহয় বুলিও কয় তেওঁ। জনসাধাৰণৰ দৃষ্টি আকৰ্ষণ কৰিবলৈ নতুন চৰকাৰে নিজৰ সুবিধাৰ বাবে পূৰ্বৰ চৰকাৰৰ আইন সলনি কৰি থাকে।

শুকুৰবাৰে মায়াৱতীয়ে কয় যে বন্দে মাতৰমক সম্পূৰ্ণকৈ গোৱা উচিত নে কেৱল প্ৰথম দুটা পদ (অনুচ্ছেদ) গোৱা উচিত নে নহয় সেই সন্দৰ্ভত দেশৰ বৰ্তমানৰ ৰাজনীতি সঠিক নহয়। এই বিষয়ত আমাৰ দলৰ কথাটো হ’ল বন্দে মাতৰমৰ গায়নৰ সন্দর্ভত শেহতীয়াকৈ সংসদত গৃহীত হোৱা আইনখন এনে প্রথম ঘটনা নহয়৷

কেন্দ্ৰ আৰু ৰাজ্যসমূহত ক্ষমতা পৰিৱৰ্তনৰ সময়ত সকলো দলে নিজৰ ৰাজনৈতিক স্বাৰ্থ অনুকূল কৰি বা নিজৰ অভাৱৰ পৰা জনসাধাৰণৰ দৃষ্টি আকৰ্ষণ কৰিবলৈ এই কাম কৰে বুলিও কয় ময়াৱতীয়ে। ইজনে সিজনৰ আইন সলনি কৰি থাকে।

তেওঁ কয় যে নিবনুৱা যুৱক-যুৱতী, জেন-জি, জি-আলফা, বানপানীৰ দৰে বহু বিষয়ত বৰ্তমান মনোযোগৰ প্ৰয়োজন। এইটোৱেই হৈছে ৰাষ্ট্ৰীয় আৰু জনস্বাৰ্থত সময়ৰ আটাইতকৈ জৰুৰী প্ৰয়োজন।

হিন্দুস্থান সমাচাৰ / মনোজ কুমাৰ শইকীয়া