নতুন দিল্লী, ২১ আগষ্ট (হি.স.)। কেন্দ্ৰীয় পৰিৱেশ, বন আৰু জলবায়ু পৰিৱৰ্তন মন্ত্ৰী ভূপেন্দ্ৰ যাদৱে শুকুৰবাৰে অষ্ট্ৰেলিয়াৰ জলবায়ু পৰিৱৰ্তন আৰু শক্তি মন্ত্ৰী ক্ৰীছ ব’ৱেনৰ সৈতে এক ভাৰ্চুৱেল বৈঠকত মিলিত হয়। এই বৈঠকত চলিত বৰ্ষৰ ৰাষ্ট্ৰসংঘৰ জলবায়ু সন্মিলন (চিঅ’পি-৩১)ৰ পূৰ্বে জলবায়ু পৰিৱৰ্তনৰ মূল বিষয়সমূহ আৰু বিশ্ব জলবায়ু আলোচনাৰ বিষয়ে আলোচনা কৰা হয়।

বৈঠকত দুয়োগৰাকী নেতাই জলবায়ু পৰিৱৰ্তনৰ প্ৰত্যাহ্বান মোকাবিলা কৰিবলৈ বিশ্ব সহযোগিতা আৰু ফলপ্ৰসূ জলবায়ু ব্যৱস্থাৰ প্ৰয়োজনীয়তাৰ বিষয়ে আলোচনা কৰে। ভূপেন্দ্ৰ যাদৱে কয় যে প্ৰধানমন্ত্ৰী নৰেন্দ্ৰ মোডীৰ নেতৃত্বত ভাৰতে জলবায়ু পৰিৱৰ্তনৰ প্ৰত্যাহ্বান মোকাবিলা কৰাৰ বাবে বিশ্বব্যাপী প্ৰচেষ্টাৰ সমাধানৰ অংশ ধাৰাবাহিকভাৱে অংগ হৈ আহিছে।

জলবায়ু কাৰ্য্যৰ প্ৰতি ভাৰতৰ দায়বদ্ধতা পুনৰবাৰ উল্লেখ কৰি তেওঁ কয় যে জলবায়ু পৰিৱৰ্তনৰ বিৰুদ্ধে যুঁজিবলৈ সকলো দেশৰ মাজত সহযোগিতা আৰু সামূহিক প্ৰচেষ্টা অতি প্ৰয়োজনীয়। বিশ্ব জলবায়ুৰ লক্ষ্যত উপনীত হোৱাৰ ক্ষেত্ৰত ভাৰতে নিজৰ দায়িত্বশীল ভূমিকা পালন কৰি যাব।

অষ্ট্ৰেলিয়াৰ জলবায়ু পৰিৱৰ্তন আৰু শক্তি মন্ত্ৰী ক্ৰীছ ব’ৱেনে জলবায়ু পৰিৱৰ্তনৰ সৈতে মোকাবিলা কৰিবলৈ দীৰ্ঘম্যাদী সমাধান বিকশিত কৰাৰ ক্ষেত্ৰত ভাৰতৰ ইতিবাচক দৃষ্টিভংগী আৰু সহযোগিতামূলক ভূমিকাক প্ৰশংসা কৰে।

দুয়োগৰাকী নেতাই জলবায়ু পৰিৱৰ্তনৰ বিষয়ত ভাৰত আৰু অষ্ট্ৰেলিয়াৰ মাজত সহযোগিতা আৰু অধিক শক্তিশালী কৰাৰ লগতে আগন্তুক বিশ্ব জলবায়ু আলোচনাত একেলগে কাম কৰাৰ প্ৰতিশ্ৰুতি দিছিল। চিঅ’পি-৩১ৰ পূৰ্বে দুয়োখন দেশৰ মাজত জলবায়ু সম্পৰ্কীয় সমন্বয় শক্তিশালী কৰাৰ ক্ষেত্ৰত এই বৈঠক গুৰুত্বপূৰ্ণ বুলি বিবেচিত হৈছে।

হিন্দুস্থান সমাচাৰ / মনোজ কুমাৰ শইকীয়া