বিশ্বনাথ, ২১ আগষ্ট (হি.স.)। বিশ্বনাথৰ জৱাহৰ নৱোদয় বিদ্যালয়ত শুভাৰম্ভণি হ'ল ৩৪ সংখ্যক ৰাষ্ট্ৰীয় মহিলা ফুটবল প্ৰতিযোগিতাৰ । শুভাৰম্ভণি অনুষ্ঠানত জিলা আয়ুক্ত কৰবী শইকীয়া কৰণ, ৰাজ্যৰ প্ৰাক্তন খ্যাতনামা ফুটবলাৰ মলং আও, সংগীত নাটক একাডেমী বঁটা প্ৰাপক সুবোধ পাটনায়ক প্ৰমুখ্যে বহু গণ্যমান্য ব্যক্তি উপস্থিত থাকে ।
অনুষ্ঠানত ভাষণ প্ৰসংগত জিলা আয়ুক্ত গৰাকীয়ে কয়, এই প্ৰতিযোগিতাৰ দ্বাৰা ছাত্ৰী সকলে ক্ৰীড়া প্ৰতিভা বিকাশৰ এক মঞ্চ লাভ কৰিব । উল্লেখ্য যে প্ৰতিযোগিতাত চন্দিগড়, পাটনা, হাইদৰাবাদ, পুনে, জয়পুৰ, ভুৱনেশ্বৰ, আহমেদাবাদ, মেঘালয় আদিকে ধৰি ১০ টা অঞ্চলৰ মহিলা খেলুৱৈয়ে অংশগ্ৰহণ কৰিছে । প্ৰতিযোগিতাত অংশগ্ৰহণ কৰা খেলুৱৈ সকলে তেওঁলোকৰ পাৰদৰ্শিতা অনুসৰি নিজৰ ৰাজ্যিক দলত খেলিবলৈ সুযোগ লাভ কৰিব। তিনিদিনীয়াকৈ আয়োজন কৰা প্ৰতিযোগিতা খন ২২ আগষ্ট তাৰিখে সামৰণি পৰিব ।
হিন্দুস্থান সমাচাৰ / কিশোৰ মিশ্ৰ