নতুন দিল্লী, ২০ আগষ্ট (হি.স.)। কংগ্ৰেছৰ প্ৰাক্তন সভাপতি তথা লোকসভাৰ বিৰোধী দলৰ নেতা ৰাহুল গান্ধীয়ে পিতৃ তথা প্ৰাক্তন প্ৰধানমন্ত্ৰী ৰাজীৱ গান্ধীৰ ৮২ সংখ্যক জন্ম জয়ন্তীত নৱেম্বৰ মাহত প্ৰকাশ পাবলগীয়া মাতৃ ছোনিয়া গান্ধীৰ আত্মজীৱনীৰ এখন ছবি শ্বেয়াৰ কৰি তেওঁক সংগ্ৰামৰ প্ৰতীক বুলি অভিহিত কৰে।

ছ’চিয়েল মিডিয়া প্লেটফৰ্মত ৰাহুল গান্ধীয়ে কয়, পাপাৰ মৃত্যুৰ পিছত মই দেখিলোঁ যে আপুনি প্ৰতিটো প্ৰত্যাহ্বান সাহস আৰু মৰ্যাদাৰে সন্মুখীন হৈছে। আপোনাৰ বাবে জীৱনটো কিমান কঠিন আছিল সেয়া কেৱল প্ৰিয়ংকা আৰু মইহে জানো। মই গৌৰৱান্বিত যে এতিয়া লাখ লাখ মানুহে আপোনাৰ কাহিনী পঢ়িব পাৰিব।

ৰাহুলে কয়, ব্যক্তিগত জীৱন পছন্দ কৰা ছোনিয়া গান্ধীৰ দৰে ব্যক্তিৰ বাবে নিশ্চয় অত্যন্ত কঠিন হৈ পৰিছিল নিজৰ সমগ্ৰ কাহিনী বিশ্ববাসীৰ সৈতে ভাগ-বতৰা কৰাটো। আজি পাপাৰ জন্ম বাৰ্ষিকীত মই তেওঁক হাঁহি থকা দেখিবলৈ পাইছো, তেওঁৰ ধুনীয়া ছোনিয়াক লৈ গৌৰৱ কৰিছে।

উল্লেখযোগ্য যে চলিত বৰ্ষৰ ১০ নৱেম্বৰত মুক্তি পোৱা ছোনিয়া গান্ধীৰ আত্মজীৱনী বিলংগিং: এ জাৰ্নি অৱ লাভ। ৫৪৪ পৃষ্ঠাৰ এই গ্ৰন্থখনত ইটালীৰ পৰা ভাৰতলৈ ছোনিয়া গান্ধীৰ ব্যক্তিগত আৰু ৰাজনৈতিক যাত্ৰাৰ বিষয়ে বিতংভাৱে উল্লেখ কৰা হৈছে।

হিন্দুস্থান সমাচাৰ / অৰৱিন্দ