ৰায়পুৰ, ২০ আগষ্ট (হি.স.)। ছত্তীশগড়ৰ ধামটাৰীৰ ছিহাৱা পথত কংগ্ৰেছৰ প্ৰাক্তন কোষাধ্যক্ষ ৰামগোপাল আগৰৱালাৰ ঘৰত প্ৰৱৰ্তন সঞ্চালকালয়ৰ অভিযান চলে । পুৱা প্ৰায় ৭ বজাত দুখন পৃথক বাহনেৰে আগৰৱালাৰ ঘৰত উপস্থিত হয় ইডিৰ দলটো।

নিৰ্ভৰযোগ্য সূত্ৰৰ মতে, দলটোত নিৰাপত্তাৰক্ষীকে ধৰি আঠজন সদস্য আছে। ঘৰৰ বাহিৰত নিৰাপত্তা বাহিনী মোতায়েন কৰা হৈছে, আৰু কাকো ভিতৰলৈ সোমাবলৈ দিয়া হোৱা নাই। ঘৰৰ ভিতৰত থকা নথি-পত্ৰ আৰু অন্যান্য গুৰুত্বপূৰ্ণ অভিলেখ পৰীক্ষা কৰি আছে বিষয়াসকলে। ইডিৰ দাবী, ছিণ্ডিকেটে সংগ্ৰহ কৰা অবৈধ কমিচন আৰু কোটি কোটি টকাৰ ক’লা ধন সৰবৰাহত ৰামগোপাল আগৰৱালা মূল ভূমিকা পালন কৰিছিল। বৰ্তমান কংগ্ৰেছ নেতা ৰামগোপাল আগৰৱালা ৰায়পুৰ কেন্দ্ৰীয় কাৰাগাৰত বন্দী হৈ আছে।

ছত্তীশগড়ৰ হাই-প্ৰফাইল সুৰা আৰু কয়লা লেভি কেলেংকাৰীৰ গোচৰৰ তদন্তকাৰী সংস্থাই জেৰা আৰু জিম্মাত লোৱাৰ কাম সম্পূৰ্ণ হোৱাৰ পিছত আদালতে তেওঁক ন্যায়িক ৰিমাণ্ড (জেল)লৈ প্ৰেৰণ কৰে। ইতিমধ্যে তেওঁক আণ্ডাৰট্ৰাইল হিচাপে কেন্দ্ৰীয় কাৰাগাৰলৈ নিক্ষেপ কৰা হৈছিল। ইফালে, ২০২৬ চনৰ ১১ আগষ্টত প্ৰৱৰ্তন সঞ্চালকালয়ে সুৰা কেলেংকাৰীৰ সৈতে জড়িত ধন সৰবৰাহৰ গোচৰত তেওঁক জেলৰ ভিতৰৰ পৰা আনুষ্ঠানিকভাৱে গ্ৰেপ্তাৰ কৰে। গ্ৰেপ্তাৰৰ পিছত পিএমএলএৰ বিশেষ আদালতে তেওঁক ১৮ আগষ্টলৈকে ইডিৰ জিম্মালৈ প্ৰেৰণ কৰে।

হিন্দুস্থান সমাচাৰ / অৰৱিন্দ