গুৱাহাটী, ২০ আগষ্ট (হি.স.)। অসমৰ মুখ্যমন্ত্ৰী ড০ হিমন্ত বিশ্ব শৰ্মাই বৃহস্পতিবাৰে নতুন দিল্লীত প্ৰধানমন্ত্ৰী নৰেন্দ্ৰ মোডীক সাক্ষাৎ কৰি ৰাজ্যখনত চলি থকা বানপানীৰ পিছৰ পুনসংস্থাপন আৰু পুনৰ নিৰ্মাণৰ কাম আৰু উন্নয়নৰ কাৰ্যসূচী সন্দৰ্ভত আলোচনা কৰে।
দক্ষিণ ব্লকৰ সেৱা তীৰ্থত অনুষ্ঠিত বৈঠকত মুখ্যমন্ত্ৰী শৰ্মাই প্ৰধানমন্ত্ৰীক বানাক্ৰান্ত অঞ্চলসমূহ পুনৰ নিৰ্মাণ, জীৱিকা পুনৰুদ্ধাৰ আৰু সৰ্বাংগীন পুনৰ্বাসন সুনিশ্চিত কৰাৰ বাবে অসম চৰকাৰৰ আগন্তুক কাৰ্য্য পৰিকল্পনাৰ বিষয়ে অৱগত কৰে।
মুখ্যমন্ত্ৰী হিমন্ত শৰ্মাই ছ’চিয়েল মিডিয়া পোষ্টত উল্লেখ কৰে যে বান সংকটৰ সময়ত প্ৰধানমন্ত্ৰী নৰেন্দ্ৰ মোদীয়ে পৰিস্থিতি নিৰন্তৰ নিৰীক্ষণ কৰি সকলো ধৰণৰ সহায় আগবঢ়াইছিল। প্ৰধানমন্ত্ৰীয়ে প্ৰধানমন্ত্ৰীক বানাক্ৰান্ত অঞ্চলসমূহৰ পুনৰ্বাসন আৰু পুনৰ্নিৰ্মাণৰ প্ৰচেষ্টা সম্পূৰ্ণ কৰাৰ ক্ষেত্ৰত কেন্দ্ৰীয় চৰকাৰৰ অবিৰত সহায়ৰ আশ্বাস দিয়ে।
ড০ শৰ্মাই প্ৰধানমন্ত্ৰীক ৰাজ্য চৰকাৰে কাৰ্যকালৰ প্ৰথম ১০০ দিনত গ্ৰহণ কৰা মূল পদক্ষেপসমূহৰ বিষয়েও অৱগত কৰে। তেওঁ উল্লেখ কৰে যে এই পদক্ষেপসমূহ অসমৰ ৰাইজে দিয়া আদেশ পূৰণৰ লক্ষ্যৰে কৰা হৈছে।
বৈঠকত ৰাজ্যখনৰ বহল উন্নয়নৰ অগ্ৰাধিকাৰ সন্দৰ্ভতো আলোচনা কৰা হয়। ইয়াৰ ভিতৰত অৰ্থনৈতিক বিকাশ ত্বৰান্বিত কৰা, আন্তঃগাঁথনি শক্তিশালী কৰা, ৰাজহুৱা সেৱাৰ উন্নতি কৰা, জনসাধাৰণৰ বাবে কৰ্মসংস্থাপন আৰু সুযোগ সম্প্ৰসাৰণ কৰা আদি অন্যতম।
হিমন্ত শৰ্মাই প্ৰধানমন্ত্ৰীগৰাকীৰ অবিৰত পথ প্ৰদৰ্শন আৰু সমৰ্থনৰ বাবে কৃতজ্ঞতা প্ৰকাশ কৰাৰ লগতে এখন উন্নত অসমৰ ভাগ-বতৰা লক্ষ্য বাস্তৱায়িত কৰাৰ দায়বদ্ধতা প্ৰকাশ কৰে ।
-----------
হিন্দুস্থান সমাচাৰ / অৰৱিন্দ
24 Aug 2026
