ভাৰতীয় ক্ৰিকেটৰ ইতিহাসত ১৬ আগষ্টৰ বিশেষ স্থান। ২০২১ চনৰ স্বাধীনতা দিৱসৰ মাত্ৰ এদিন পিছত ১৬ আগষ্টত ইংলেণ্ডৰ ঐতিহাসিক লৰ্ডছ খেলপথাৰত ভাৰতীয় ক্ৰিকেট দলে ত্ৰিৰংগা উত্তোলন কৰে। বিৰাট কোহলীৰ অধিনায়কত্বত ভাৰতীয় দলটোৱে লৰ্ডছত তৃতীয় টেষ্টত জয়লাভ কৰে।
লৰ্ডছত এই জয়ো ঐতিহাসিক আছিল কাৰণ ইয়াৰ পূৰ্বে ভাৰতীয় দলটোৱে এই খেলপথাৰত মাত্ৰ দুখন টেষ্ট মেচতহে জয়লাভ কৰিছিল। ১৯৮৬ চনত কপিল দেৱৰ অধিনায়কত্বত ভাৰতে ইংলেণ্ডক ৫ উইকেটত পৰাস্ত কৰিছিল। ইয়াৰ পাছত ২০১৪ চনত মহেন্দ্ৰ সিং ধোনিৰ অধিনায়কত্বত ভাৰতে লৰ্ডছত দ্বিতীয়টো টেষ্টত জয়লাভ কৰে। এই খেলখনত ভাৰতীয় দলটোৱে ইংলেণ্ডক ৯৫ ৰানত পৰাস্ত কৰে।
ইয়াৰ সাত বছৰৰ পাছত ২০২১ চনত বিৰাট কোহলীৰ অধিনায়কত্বত ভাৰতীয় দলটোৱে পুনৰবাৰ লৰ্ডছত ইতিহাস ৰচনা কৰে। এই মেচখনত ভাৰতৰ জয়ৰ আটাইতকৈ ডাঙৰ নায়ক কে এল ৰাহুলে প্ৰথম ইনিংছত উজ্জ্বল শতকৰে দলটোক শক্তিশালী আৰম্ভণি কৰিছিল। ভাৰত আৰু ইংলেণ্ডৰ মাজত এই টেষ্ট মেচখন ২০২১ চনৰ ১২ আগষ্টৰ পৰা আৰম্ভ হৈছিল।ইংলেণ্ডৰ অধিনায়ক জো ৰুটে টছত জয়ী হৈ বলিং কৰিবলৈ বাছি লৈছিল। প্ৰথমে বেটিং কৰি ভাৰতীয় দলটোৱে প্ৰথম ইনিংছত ৩৬৪ ৰান সংগ্ৰহ কৰে। ইয়াৰ প্ৰতিক্ৰিয়া স্বৰূপে ইংলেণ্ডে ৩৯১ ৰান সংগ্ৰহ কৰি ২৭ ৰানৰ অগ্ৰগতি লাভ কৰে।
ইয়াৰ পাছতে ভাৰতীয় বেটছমেনসকলে দ্বিতীয় ইনিংছত ২৯৮ ৰান সংগ্ৰহ কৰি উজ্জ্বল প্ৰত্যাৱৰ্তন কৰে। ইংলেণ্ডৰ জয়ৰ বাবে ২৭২ ৰানৰ লক্ষ্য নিৰ্ধাৰণ কৰি ভাৰতীয় বলাৰসকলে দ্বিতীয় ইনিংছত মাত্ৰ ১২০ ৰানৰ বাবে সমগ্ৰ ইংৰাজী দলটোক বাণ্ডিল আউট কৰে। এইদৰে ভাৰতে ১৫১ ৰানৰ গুঞ্জৰিত জয়ৰে জয়লাভ কৰে।
অন্যান্য মূল পৰিঘটনাসমূহ:
১৭৭৭ – আমেৰিকাই বেনিংটন যুদ্ধত ব্ৰিটেইনক পৰাস্ত কৰে।
১৭৮৭ – তুৰস্কই ৰাছিয়াৰ বিৰুদ্ধে যুদ্ধ ঘোষণা কৰে।
১৯০৬ – চিলিত ৮.৬ প্ৰাবল্যৰ ভূমিকম্পত প্ৰায় ২০,০০০ লোকৰ মৃত্যু হয়।
১৯২৪ – নেদাৰলেণ্ড আৰু তুৰস্কৰ মাজত শান্তি চুক্তি স্বাক্ষৰিত হয়।
১৯৪৬ – মুছলিম লীগে প্ৰত্যক্ষ কাৰ্য্য দিৱস ঘোষণা কৰে, যাৰ ফলত কলকাতাত হিংসাত্মক পৰিস্থিতিত হাজাৰ হাজাৰ লোকৰ মৃত্যু আৰু আহত হয়।
১৯৯০ – চীনে প্ৰথম পাৰমাণৱিক পৰীক্ষা সম্পন্ন কৰে।
১৯৯৪ – আই বি এমৰ চাইমন পাৰ্ছনেল কমিউনিকেটৰ প্ৰথম স্মাৰ্টফোন হিচাপে বিক্ৰীৰ বাবে উপলব্ধ হয়।
২০০১ – হাবল স্পেচ টেলিস্কোপ ব্যৱহাৰ কৰি সৌৰজগতৰ বাহিৰৰ এটা গ্ৰহ আৱিষ্কাৰ কৰা হয়।
২০০৩ – লিবিয়াই লাহোৰ বোমা বিস্ফোৰণৰ দায়িত্ব স্বীকাৰ কৰে।
২০০৪ – অষ্ট্ৰেলিয়া আৰু আমেৰিকান দলে অলিম্পিক নাওঁ চলোৱাত বিশ্ব অভিলেখ গঢ়িছিল।
২০০৮ - কংগো গণতান্ত্ৰিক গণৰাজ্যত নিয়োজিত ১২৫ জন ভাৰতীয় আৰক্ষী বিষয়াক ৰাষ্ট্ৰসংঘৰ শান্তি বঁটা প্ৰদান কৰা হয়।
২০০৯ – আজিৰ দিনটোতে ১০০ মিটাৰ দৌৰত এক নতুন বিশ্ব অভিলেখ গঢ়িছিল উছাইন বল্ট।
২০০৯ – ৰাছিয়াত অনুশীলনৰ সময়ত বায়ুৰ মাজত দুখন চুখয় জেট বিমানৰ সংঘৰ্ষ হয়।
২০১২ - ইকুৱেডৰে ৱিকিলিকছৰ প্ৰতিষ্ঠাপক জুলিয়ান আছাঞ্জক ৰাজনৈতিক আশ্ৰয় প্ৰদান কৰে।
২০২১ - মালয়েছিয়াৰ প্ৰধানমন্ত্ৰী মুহীদ্দিন ইয়াছিনে পদত্যাগ কৰে।
জন্ম
১৯০৪ – সুভদ্ৰ কুমাৰী চৌহান - স্বাধীনতা সংগ্ৰামী, প্ৰখ্যাত কবি।
১৯২০ - কোটলা বিজয় ভাস্কৰ ৰেড্ডী - অন্ধ্ৰ প্ৰদেশৰ নৱম মুখ্যমন্ত্ৰী।
১৯২৮ - ৰজনী কোথাৰী - প্ৰখ্যাত শিক্ষাবিদ, সাহিত্যিক, ৰাজনৈতিক তত্ত্ববিদ, আৰু ৰাজনীতি বিজ্ঞানী।
১৯৭০ – ছৈফ আলী খান - অভিনেতা।
১৯৭০ – মনীষা কইৰালা - অভিনেত্ৰী।
২০০১ - লক্ষ্য সেন - বিখ্যাত ভাৰতীয় বেডমিণ্টন খেলুৱৈ।
মৃত্যু
১৯৯১ - চি আচুথা মেনন - ৰাজনীতিবিদ আৰু কেৰালাৰ প্ৰাক্তন মুখ্যমন্ত্ৰী।
১৯৯৭ – নুছৰত ফাতেহ আলী খান - প্ৰখ্যাত পাকিস্তানী গায়ক।
২০০১ - আন্না মণি - ভাৰতীয় পদাৰ্থবিজ্ঞানী আৰু বতৰ বিজ্ঞানী।
২০১৮ - অটল বিহাৰী বাজপেয়ী - ভাৰতৰ প্ৰাক্তন প্ৰধানমন্ত্ৰী।
২০২০ - চেতন চৌহান - প্ৰাক্তন ভাৰতীয় ক্ৰিকেটাৰ।
-----------------
হিন্দুস্থান সমাচাৰ / অৰৱিন্দ
