আহমেদাবাদ, ১৩ আগষ্ট (হি.স.)। ভাৰতৰ ১ নং আৰু বিশ্বৰ ২৭ নং পেৰা-টেবুল টেনিছ খেলুৱৈ নুৰজাহান নূৰালি জামানীক গুজৰাট চৰকাৰৰ সন্মানীয় চৰ্দাৰ পেটেল ক্ৰীড়া বঁটাৰে সন্মানিত কৰা হৈছে। যোৱা ১২ আগষ্টত গান্ধীনগৰত অনুষ্ঠিত এক অনুষ্ঠানত গুজৰাটৰ উপ-মুখ্যমন্ত্ৰী হৰ্ষ সংঘৱীয়ে নূৰজাহানক এই বঁটা প্ৰদান কৰে।

গুজৰাট চৰকাৰৰ ক্ৰীড়া, যুৱ আৰু সাংস্কৃতিক কাৰ্যকলাপ বিভাগে প্ৰদান কৰা চৰ্দাৰ পেটেল ক্ৰীড়া বঁটাক ৰাজ্যখনৰ অন্যতম সৰ্বোচ্চ ক্ৰীড়া সন্মান হিচাপে গণ্য কৰা হয়। ভাৰতৰ লৌহ পুৰুষ তথা দেশৰ ৰাজনৈতিক একত্ৰীকৰণৰ স্থপতি চৰ্দাৰ বল্লভভাই পেটেলৰ নামেৰে নামাকৰণ কৰা এই বঁটাটোৱে ক্ৰীড়াৰ ক্ষেত্ৰত ব্যতিক্ৰমী প্ৰদৰ্শন, অধ্যৱসায়, সংগ্ৰামৰ জৰিয়তে গুজৰাট আৰু জাতিলৈ গৌৰৱ কঢ়িয়াই অনা খেলুৱৈসকলক স্বীকৃতি প্ৰদান কৰে।

১২ বছৰৰ পিছত এক উল্লেখযোগ্য প্ৰত্যাৱৰ্তন

পাঁচ বছৰ বয়সতে নূৰজাহানৰ পলিঅ’ ৰোগত আক্ৰান্ত হয়। ২০০৭ চনৰ পৰা ২০১০ চনৰ ভিতৰত প্ৰথমে পেৰা টেবুল টেনিছত অংশগ্ৰহণ কৰিছিল যদিও তাৰ পিছত এদশকৰো অধিক সময় এই খেলবিধৰ পৰা আঁতৰি আছিল। ২০২২ চনত প্ৰতিযোগিতামূলক টেবুল টেনিছলৈ ঘূৰি অহাৰ লগে লগে তেওঁৰ কেৰিয়াৰৰ এক উল্লেখযোগ্য নতুন অধ্যায়ৰ আৰম্ভণি হয়।

ঘূৰি অহাৰ লগে লগে নুৰজাহানে ধাৰাবাহিকভাৱে ব্যতিক্ৰমীভাৱে ভাল প্ৰদৰ্শন আগবঢ়াইছিল। ইন্দোৰত অনুষ্ঠিত ইউটিটি পেৰা ছিনিয়ৰ নেচনেল চেম্পিয়নশ্বিপ ২০২৫-২৬ত খিতাপ অক্ষুণ্ণ ৰাখিছে। ইয়াৰ পূৰ্বে তেওঁ ইউটিটি ৰাষ্ট্ৰীয় পেৰা টেবুল টেনিছ চেম্পিয়নশ্বিপতো জয়ী হৈছিল । এই কৃতিত্বই তেওঁৰ শাখাত ভাৰতৰ এক নম্বৰ আৰু বিশ্বৰ ২৭ নম্বৰ স্থান লাভ কৰে।

'গৰ্ভ হাই' পদক্ষেপৰ পৰা সমৰ্থন

আহমেদাবাদৰ বাসিন্দা নূৰজাহানে আদানী এয়াৰপৰ্ট হোল্ডিংছ লিমিটেড (এ এ এইচ এল)ত কনিষ্ঠ বিষয়া হিচাপে কাম কৰে। আদানী স্প’ৰ্টছলাইনৰ ‘গৰ্ভ হায়’ পদক্ষেপৰ অধীনত দীৰ্ঘম্যাদী উচ্চ প্ৰদৰ্শনৰ সহায় লাভ কৰি আহিছে। বঁটা লাভ কৰাৰ লগে লগে নূৰজাহানে কয় যে, গুজৰাট চৰকাৰৰ পৰা এই সন্মান লাভ কৰাটো মোৰ বাবে অত্যন্ত বিশেষ আৰু ই মোক আৰু অধিক উচ্চ লক্ষ্যত উপনীত হ'বলৈ অনুপ্ৰাণিত কৰে। প্ৰতিটো সাফল্যই মোৰ ভাৰতক গৌৰৱেৰে প্ৰতিনিধিত্ব কৰাৰ সংকল্পক শক্তিশালী কৰে। মোৰ ওপৰত বিশ্বাস ৰাখি মোৰ যাত্ৰাৰ প্ৰতিটো খোজতে মোক সহায় কৰাৰ বাবে আদানী স্প'ৰ্টছলাইন আৰু 'গৰ্ভ হাই' পদক্ষেপৰ প্ৰতি মই কৃতজ্ঞ।

আদানী স্প’ৰ্টছলাইনৰ মুখ্য ব্যৱসায়িক বিষয়া সঞ্জয় আদেছাৰাই কয় যে, নূৰজাহানৰ এই যাত্ৰাই চেম্পিয়ন খেলুৱৈসকলৰ চিনাকি দৃঢ়তা আৰু যুঁজাৰু মনোভাৱক প্ৰতিফলিত কৰিছে। আমি তেওঁক 'গৰ্ভ হাই'ৰ জৰিয়তে সমৰ্থন কৰি গৌৰৱান্বিত আৰু এই সুপ্ৰাপ্য সন্মানৰ বাবে তেওঁক অভিনন্দন জনাইছো।

চৰ্দাৰ পেটেল স্প’ৰ্টছ এৱাৰ্ডৰ পিছত এতিয়া নুৰজাহানে ২০২৬ চনৰ এছিয়ান পেৰা গেমছৰ বাবে যোগ্যতা অৰ্জন কৰাৰ লক্ষ্য ৰাখিছে। ১৮ অক্টোবৰৰ পৰা ২৪ অক্টোবৰলৈ জাপানৰ আইচি আৰু নাগোয়াত অনুষ্ঠিত হ’বলগীয়া এই খেলসমূহৰ বাবে তেওঁ প্ৰস্তুতি চলাইছে, পেৰা স্প’ৰ্টছত ভাৰতৰ ক্ৰমবৰ্ধমান সফলতাত আৰু এটা অধ্যায় সংযোজন কৰাৰ আশাৰে।

-----------------

হিন্দুস্থান সমাচাৰ / অৰৱিন্দ