ছেইণ্ট লুইছ, ১৩ আগষ্ট (হি.স.)। ছিংকফিল্ড কাপ ২০২৬ত ভাৰতীয় যুৱ গ্ৰেণ্ডমাষ্টাৰ আৰ প্ৰজ্ঞানানন্দাৰ অপৰাজিত আৰম্ভণিৰ অন্ত পৰিল তৃতীয় ৰাউণ্ডত জাৰ্মানীৰ ভিনচেণ্ট কেমাৰৰ হাতত পৰাস্ত হৈ । ক’লা টুকুৰাৰে খেলি থকা ২১ বছৰীয়া প্ৰজ্ঞানানন্দাই ৰোমানিয়াৰ ছুপাৰ চেছ ক্লাছিক চেম্পিয়ন কেইমাৰৰ হাতত পৰাস্ত হয় ।

এই পৰাজয়ৰ লগে লগে প্ৰজ্ঞানানন্দা ১.৫ পইণ্টেৰে যৌথ চতুৰ্থ স্থানলৈ পিছলি গৈছে। ইয়াৰ উপৰিও তেওঁ আমেৰিকাৰ ফেবিয়ানো কাৰুয়ানা, জাৰ্মানীৰ ভিনচেণ্ট কেমাৰ আৰু আমেৰিকাৰ ছেম চেভিয়ানৰ সৈতেও চতুৰ্থ স্থানৰ বাবে সমতাত আছে।

দেশবাসী ফেবিয়ানো কাৰুয়ানাক পৰাস্ত কৰি এই প্ৰতিযোগিতাত একমাত্ৰ অগ্ৰগতি লাভ কৰিছে আমেৰিকাৰ ৱেছলী ছ’ৱে। গতিকে এতিয়া ২.৫ পইণ্ট আছে।

ফ্ৰান্সৰ মেক্সিম ভাচিয়াৰ-লাগ্ৰেভ আৰু আমেৰিকাৰ লেভন আৰোনিয়ানে ক্ৰমে জাভোখিৰ চিণ্ডাৰভ আৰু জৰ্ডান ভেন ফৰেষ্টৰ বিৰুদ্ধে ড্ৰ’ কৰে। দুয়োটা খেলুৱৈয়ে তিনিটা ৰাউণ্ডৰ অন্তত দুটাকৈ পইণ্ট লাভ কৰি দ্বিতীয় স্থানৰ বাবে সমতাত আছে।

কেয়াৰ্নছ কাপত তৃতীয় স্থানত দিব্যা

ইফালে কেয়াৰ্নছ কাপত ভাৰতৰ দিব্যা দেশমুখে উজ্জ্বল প্ৰদৰ্শন আগবঢ়াই ছুইজাৰলেণ্ডৰ গ্ৰেণ্ডমাষ্টাৰ আলেকজেণ্ড্ৰা কোষ্টেনিউকক পৰাস্ত কৰি পইণ্ট তালিকাত তৃতীয় স্থান দখল কৰে।

এই জয়ৰ জৰিয়তে দিব্যাই নিজৰ একাউণ্টত দুটা পইণ্ট সংযোজন কৰিছে। আনহাতে কোষ্টেনিউকে একেৰাহে তৃতীয়বাৰৰ বাবে পৰাজয়ৰ সন্মুখীন হৈ পইণ্ট টেবুলত পিছ পৰি আছে।

প্ৰথম স্থানৰ বাবে চীনৰ টান ঝংয়ি আৰু আমেৰিকাৰ এলিছ লি ২.৫ পইণ্টকৈ সমতাত আছে। যৌথ শীৰ্ষস্থানৰ পৰা এতিয়া মাত্ৰ আধা পইণ্ট পিছ পৰি আছে দিব্যা।

-----------------

হিন্দুস্থান সমাচাৰ / অৰৱিন্দ