গুৱাহাটী, ১৩ আগষ্ট (হি.স.)। অসমত নদীৰ জলপৃষ্ঠ প্ৰায় স্বাভাৱিক অৱস্থালৈ ঘূৰি আহিছে। অৱশ্যে ধনশিৰি নদী (নুমলীগড়) এতিয়াও বিপদৰ চিহ্নৰ ওপৰেৰে বৈ আছে। ক্ষতিগ্ৰস্ত লোকসকল সাহায্য শিবিৰৰ পৰা ঘৰলৈ উভতি আহিবলৈ আৰম্ভ কৰিছে। কিন্তু ক্ষতিগ্ৰস্ত ঘৰ আৰু বাকী থকা ঘৰবোৰ দুইৰ পৰা তিনিফুট বালিৃ–বোকাত আৱৰি ৰখাৰ বাবে পৰিস্থিতি অত্যন্ত শোচনীয় হৈ পৰিছে। অসংখ্য সংগঠনে ক্ষতিগ্ৰস্ত লোকসকলক সহায় আগবঢ়াইছে। চৰকাৰে প্রয়োজনীয় ব্যৱস্থা প্রদান কৰাৰ পাছত পৰিস্থিতি ক্ৰমান্বয়ে স্বাভাৱিক অৱস্থালৈ ঘূৰি অহা যেন লাগিছে৷
অসম ৰাজ্যিক দুৰ্যোগ ব্যৱস্থাপনা প্ৰাধিকৰণে যোৱা ১২ আগষ্টত প্ৰকাশ কৰা তথ্য অনুসৰি ধনশিৰি নদী (নুমলীগড়) এতিয়াও বিপদৰ চিহ্নৰ ওপৰেৰে বৈ আছে। ইফালে বুধবাৰে আৰু দুটা মৃতদেহ উদ্ধাৰ কৰা হয়। খবৰ অনুসৰি শিৱসাগৰ জিলাত এটা মৃতদেহ আৰু কাৰ্বি আংলং জিলাত এটা মৃতদেহ উদ্ধাৰ কৰা হৈছে। বৰ্তমানৰ তথ্য অনুসৰি ৰাজ্যত বানপানীৰ ফলত মৃত্যু হোৱা লোকৰ সংখ্যা ১০৪ জনলৈ বৃদ্ধি পাইছে।
বৰ্তমান সাতখন জিলাত বানপানী অব্যাহত আছে। ক্ষতিগ্ৰস্ত জিলাসমূহৰ ভিতৰত গোলাঘাট, হোজাই, শিৱসাগৰ, নগাঁও, যোৰহাট, আৰু কাৰ্বি আংলং । সাতখন জিলাৰ ২৪টা ৰাজহ বিভাগৰ মুঠ ৪৩৩খন গাঁও বানত ক্ষতিগ্ৰস্ত হৈছে। বৰ্তমান ৰাজ্যখনৰ মুঠ জনসংখ্যা ৮৬,৮৩২ জন এতিয়াও ক্ষতিগ্ৰস্ত, আৰু ১০,৮৮৪.২৭ হেক্টৰ কৃষিভূমি ডুব গৈছে।
ৰাজ্য চৰকাৰে বানত ক্ষতিগ্ৰস্তসকলৰ বাবে ৪২টা সাহায্য শিবিৰ আৰু ৩৭টা সাহায্য বিতৰণ কেন্দ্ৰকে ধৰি ৭৯টা সাহায্য শিবিৰৰ পৰিচালনা অব্যাহত ৰাখিছে। ৭,২১৬ জন লোকে সাহায্য শিবিৰত আশ্ৰয় লৈ থকাৰ বিপৰীতে ৫,৭৯৫ জন অশিবিৰ বাসিন্দাই সাহায্য কেন্দ্ৰত সাহায্য লাভ কৰি আছে। আনহাতে, শিৱসাগৰৰ এটা আৰু কাৰ্বি আংলং জিলাৰ এটা মৃতদেহ উদ্ধাৰ কৰা হৈছে। ইয়াৰ লগে লগে ৰাজ্যত বানপানীৰ ফলত মৃত্যু হোৱা লোকৰ সংখ্যা ১০৪ জনলৈ বৃদ্ধি পালে। বুধবাৰলৈ বানত ক্ষতিগ্ৰস্ত হোৱা জীৱ-জন্তুৰ সংখ্যা ৩২,৯৪৪ টা, য'ত ১৫,৮৩৯ টা ডাঙৰ জীৱ-জন্তু, ১১,৫১৪ টা সৰু জীৱ-জন্তু, আৰু ৫,৫৯১ টা হাঁহ-কুকুৰাৰ জীৱ-জন্তু আছে।
১২ আগষ্টলৈকে শিৱসাগৰ জিলাত বানপানীৰ ফলত সম্পূৰ্ণৰূপে ক্ষতিগ্ৰস্ত হোৱা জুপুৰী ঘৰৰ সংখ্যা ১২২ টা । শিৱসাগৰ জিলাত সম্পূৰ্ণ ক্ষতিগ্ৰস্ত পকী ঘৰৰ সংখ্যা ১০ টা শিৱসাগৰ জিলাৰ মুঠ ক্ষতিগ্ৰস্ত অন্যান্য জুপুৰি ১০ টা।
এছডিআৰএফ, ডিডিআৰএফ, আৰক্ষী, অগ্নিনিৰ্বাপক আৰু জৰুৰীকালীন সেৱা (এফ এণ্ড ই এছ), চক্ৰ কাৰ্যালয়/স্থানীয় প্ৰশাসন, আৰু অসামৰিক প্ৰতিৰক্ষা/প্ৰশিক্ষিত স্বেচ্ছাসেৱকসকলে বান সাহায্য আৰু উদ্ধাৰ অভিযানত নিয়োজিত। ইফালে, মঙলবাৰে ৰাজ্য চৰকাৰে বানাক্ৰান্ত অঞ্চলত মুঠ ৬৩টা চিকিৎসা দল মোতায়েন কৰে। পাঁচখন নাৱেও সাহায্যৰ কামত নিয়োজিত হৈছিল । ইফালে ১১৩ জন বানাক্ৰান্ত লোকক উদ্ধাৰ কৰি নাৱেৰে নিৰাপদ স্থানলৈ লৈ যোৱা হয়।
ৰাজ্য চৰকাৰে চাউল (কুইণ্টলত): ৯৬.৫৫, দালি (কুইণ্টলত): ১৮.২৫৬, নিমখ (কুইণ্টলত): ৫.৪০৯৫, সৰিয়হৰ তেল (লিটাৰত): ২০৪.৮১১৭, গৰুৰ খাদ্য - ঘেঁহুৰ চাপৰ (কুইণ্টলত): ১৫৬.১৬৮, আৰু গৰুৰ খাদ্য - ধানৰ মল (কুইণ্টলত): ৫.৮ বানপীড়িত লোকৰ ভিতৰত ।
বানপানীৰ ফলত পথ, দলং, অন্যান্য আন্তঃগাঁথনিৰ ব্যাপক ক্ষতিসাধন হৈছে । পৰিস্থিতিৰ বুজ ল’বলৈ চৰকাৰে ধাৰাবাহিকভাৱে পৰ্যালোচনা বৈঠক অনুষ্ঠিত কৰি আছে। মুখ্যমন্ত্রী ড০ হিমন্ত বিশ্ব শর্মাৰ লগতে ৰাজ্য চৰকাৰৰ কেইবাজনো মন্ত্রীয়ে অবিৰতভাৱে বিষয়াসকলৰ সৈতে বৈঠকত মিলিত হৈ ক্ষতিগ্রস্ত লোকসকলক সহায়ৰ বাবে সম্ভৱপৰ সকলো পদক্ষেপ গ্রহণ কৰি আছে ৷
হিন্দুস্থান সমাচাৰ / অৰৱিন্দ
