ধুবুৰী, ১২ আগষ্ট (হি.স.)। ধুবুৰী জিলাৰ বিলাসীপাৰাত প্ৰধান মন্ত্ৰীৰ হৰ ঘৰ নল হৰ ঘৰ জল শীৰ্ষক সপোনৰ আঁচনি খন ভেকো ভাওঁনাত পৰিণত হোৱাৰ অভিযোগ উঠিছে | ৰাজকোষৰ শ শ কোটি টকা ব্যয় কৰি অকল বিলাসীপাৰা জনস্বাস্থ্য কাৰিকৰী উপ সংমণ্ডলৰ অধীনত বিভিন্ন প্ৰান্তত নিৰ্মাণ কৰা হৈছে প্ৰায় তিনি শ খন আঁচনি | কিন্তু অতি সম্প্ৰতি অধিকাংশ আঁচনিৰ পৰা ৰাইজে পোৱা নাই বিশুদ্ধ খোৱা পানী |
এক প্ৰকাৰ কাগজে কলমে চলি আহিছে প্ৰধানমন্ত্ৰীৰ সপোৰ আঁচনি খন |
এইখন বিলাসীপাৰাৰ বাঙালীপাৰা ১ম খণ্ড বিশুদ্ধ খোৱা পানী যোগান আঁচনি |
বিগত এবছৰে প্ৰায় এক কোটি টকা ব্যয় সাপেক্ষে নিৰ্মাণ কৰি উলিওৱা এই আঁচনি খনৰ পৰা ৰাইজে এটোপাল বিশুদ্ধ খোৱা পানী যোগান পোৱা নাই ।
কিয়নো কামৰ দায়িত্বত থকা ঠিকাদাৰ জনে অতি নিম্ন মানৰ নিৰ্মাণ কাৰ্য কৰাৰ বাবে মুকলিৰ পূৰ্বে আঁচনি খনৰ পানী টেংকী এটা ওপৰৰ পৰা খহি মাটিত পৰি চূৰ্ণ বিচূৰ্ণ হৈছে । ইয়াৰ পিছতো আঁচনি খনৰ খবৰ লবলৈ আহৰি পোৱা নাই সংশ্লিষ্ট কৰ্তৃপক্ষই ।
ফলত অঞ্চলটোৰ ৰাইজে বঞ্চিত হ'বলগীয়া হৈছে বিশুদ্ধ খোৱা পানীৰ পৰা ।
আঁচনি খনৰ বাবে এগৰাকী জল মিত্ৰ নিযুক্তি দিছে যদিও ঘৰত বহি বহিয়েই চৰকাৰী মাননি উদৰস্থ কৰি আহিছে বুলি জানিব পৰা গৈছে ।
সেয়ে স্থানীয় ৰাইজৰ দাবী অতি শীঘ্ৰে আঁচনি খন কাৰ্যক্ষম কৰি তুলি ৰাইজৰ মাজত বিশুদ্ধ খোৱা পানী যোগান ধৰিব লাগে । এই ক্ষেত্ৰত চৰকাৰ তথা সংশ্লিষ্ট বিভাগটোই কি ব্যৱস্থা গ্ৰহণ কৰিব সেয়া লক্ষনীয় হৈ পৰিব |
---------------
হিন্দুস্থান সমাচাৰ / প্ৰকাশ ডেকা
