ৰাজৌৰী, ৩১ জুলাই (হি.স.)। জম্মু-কাশ্মীৰৰ ৰাজৌৰী জিলাৰ এখন বনাঞ্চলত সন্দেহযুক্ত সন্ত্ৰাসবাদীৰ আত্মগোপন স্থান উদ্ধাৰ কৰি নিৰাপত্তা বাহিনীয়ে উদ্ধাৰ কৰিছে ৰেচন আৰু ৰন্ধন বাচন। ইয়াৰ পিছতে শুকুৰবাৰে সেনা, চি আৰ পি এফ আৰু আৰক্ষীয়ে অঞ্চলটোত তালাচী অভিযান আৰম্ভ কৰে।

আজি বিষয়াসকলে জনোৱা মতে, বৃহস্পতিবাৰে সন্ধিয়া থানামণ্ডীৰ ভংগাই বনাঞ্চলত চলোৱা অভিযানৰ সময়ত এই আত্মগোপন স্থানটো আৱিষ্কাৰ কৰা হয়। ঘন হাবি আৰু ডাঠ জোপোহাৰ মাজত আত্মগোপন কৰা ঠাইখন আছিল। জব্দ কৰা সামগ্ৰীসমূহৰ ভিতৰত আছে দুটা পেকেট চাউল, ইনষ্টেণ্ট নুডলছ, এটা দা, এটা লাইটাৰ, এখন প্লাষ্টিকৰ চাদৰ, এখন পুৰণি কম্বল, এটা গেছ ষ্ট’ভৰ নজেল, দুটা মমবাতি, আৰু এটা প্লাষ্টিকৰ বটল।

অন্তিম তথ্য নোপোৱালৈকে অঞ্চলটোত তালাচী অভিযান অব্যাহত আছিল।

হিন্দুস্থান সমাচাৰ / মনোজ কুমাৰ শইকীয়া