ভেংকুৱাৰ, ০৩ জুলাই (হি.স.): আলজেৰিয়াৰ অধিনায়ক ৰিয়াদ মহৰেজে ফিফা বিশ্বকাপ ২০২৬ৰ পৰা দলটোৱে বাহিৰ হোৱাৰ পিছত আন্তঃৰাষ্ট্ৰীয় ফুটবলৰ পৰা অৱসৰ লোৱাৰ কথা ঘোষণা কৰে।

৩২ ৰাউণ্ডত ব্ৰীল এম্ব’লো আৰু ডেন ণ্ডোয়েৰ গ’লৰ সহায়ত ছুইজাৰলেণ্ডে আলজেৰিয়াক ২-০ গ’লত পৰাস্ত কৰে। পৰাজয়ৰ লগে লগে মহৰেজে আন্তঃৰাষ্ট্ৰীয় কেৰিয়াৰ শেষ কৰাৰ সিদ্ধান্ত লয়।

ছৌদি প্ৰ’ লীগ ক্লাব আল-আহলিৰ হৈ খেলা ৩৫ বছৰীয়া মহৰেজে আলজেৰিয়াৰ হৈ ১১৩খন আন্তঃৰাষ্ট্ৰীয় খেলত ৩৯টা গ’ল দিয়ে। ফ্ৰান্সৰ ক্লিচিত জন্মগ্ৰহণ কৰা মহৰেজে নিজৰ পাৰিবাৰিক শিপাৰ ভিত্তিত ২০১৩ চনত আলজেৰিয়াক প্ৰতিনিধিত্ব কৰিবলৈ বাছি লৈছিল।

২০১৬ চনত আফ্ৰিকান ফুটবলাৰ অৱ দ্য ইয়েৰ হিচাপে নিৰ্বাচিত হয়।তাৰ পিছত তেওঁ ২০১৯ চনত অধিনায়ক হিচাপে আলজেৰিয়াক আফ্ৰিকা কাপ অৱ নেচনছ খিতাপ দখল কৰে।

২০২৬ চনৰ বিশ্বকাপত অষ্ট্ৰিয়াৰ বিৰুদ্ধে গ্ৰুপ পৰ্যায়ৰ খেলখনত মহৰেজে দুটা গ’ল দি এটা দশকৰো অধিক সময়ৰ স্মৰণীয় আন্তঃৰাষ্ট্ৰীয় কেৰিয়াৰৰ শিৰোনাম দখল কৰে। আলজেৰিয়াৰ ফুটবলৰ অন্যতম সফল খেলুৱৈ মাহৰেজে নিজৰ কেৰিয়াৰৰ সময়ছোৱাত দলটোক অসংখ্য স্মৰণীয় জয়ৰ দিশত আগুৱাই লৈ যায়, যাৰ ফলত দেশৰ শ্ৰেষ্ঠ ফুটবলাৰসকলৰ ভিতৰত নিজৰ স্থান দৃঢ় হৈ পৰে।

हिन्दुस्थान समाचार / अरविन्द राय