নতুন দিল্লী, ০৩ জুলাই (হি.স.)। দিল্লীৰ যন্তৰ মন্তৰত বিগত ছয় দিন ধৰি অনশন কৰি থকা পৰিৱেশবিদ সোণম ৱাংচুকৰ সৈতে শুকুৰবাৰে ছ’চিয়েল মিডিয়া প্ৰচাৰ ককৰোচ জনতা পাৰ্টিৰ সমৰ্থকসকলেও দিনজোৰা উপবাস পালন কৰে।

চিজেপিৰ মুৰব্বী অভিজিৎ দীপকে এক্স-পোষ্টত কয় যে, আমাৰ দলটোৱে আজি সোণম ৱাংচুকৰ সমৰ্থনত উপবাস কৰি আছে। তেওঁৰ স্বাস্থ্য দিনক দিনে অৱনতি ঘটিছে, আৰু এই সময়ত আমাৰ সামূহিক সমৰ্থন অতি গুৰুত্বপূৰ্ণ। যদি আপুনিও এই এদিনীয়া উপবাসত যোগদান কৰিছে তেন্তে তেওঁক উৎসাহিত কৰিবলৈ এটা ভিডিঅ' পোষ্ট কৰক।

দিপকে কয় যে ৱাংচুকৰ স্বাস্থ্যৰ অৱনতি ঘটাৰ পোহৰত তেওঁৰ সমৰ্থক আৰু লাডাখৰ জনসাধাৰণে আজি সামূহিক সংহতি প্ৰদৰ্শন কৰিছে। আজি তেওঁৰ দল আৰু সমৰ্থকসকলে এদিনীয়া উপবাস আৰম্ভ কৰিছে।

মন কৰিবলগীয়া যে বৃহস্পতিবাৰে ৱাংচুকৰ চেনিৰ মাত্ৰা ৬০ লৈ হ্ৰাস পায়, আৰু তেওঁৰ ৰক্তচাপও স্বাভাৱিকতকৈ বহু তললৈ নামি যোৱাৰ ফলত তেওঁৰ সমৰ্থকসকলৰ মাজত যথেষ্ট চিন্তাৰ সৃষ্টি হয়।

-----------------

হিন্দুস্থান সমাচাৰ / অৰৱিন্দ